| الملف الثاني للتشطيبات | ومنزل مبارك مقدما .. حياكن الله

ينات الله يسعدكم بعد الجبس السرميك او البويه فيه ناس تقول الوجه الاول وبعدين السرميك مدري صح

اللي سويته في بيتي جبس بعدين سيراميك وبعدها البويه ان شاء الله

السلام عليكم بنات كيفكم يارب طيبين

الله يخليكم ساعدوني حنا بمرحلة اختيار بورسلان البيت رحت اليوم للمحلات بطريق الخرج وشفت العجبببب شييي ياااااخذ العقل بس تحير كيف ؟؟؟؟؟؟لقيت بمكارم النخبه بورسلان اسباني خطييير ومسوين عليه بعد خصم متره ب70ريال يجي ترابي مع تعرقات خفيفه تجنن قلنا نخليه ونشوف غيره دخلنا محل ثاني كبير بس والله مع المطر ماعد شفت حتى لوحته ياالله امشي لقينا صيني نخب اول يهبل صراحه جداااا وحباته اكبر من اللي شفته بمكارم النخبه نفس الشي الوانه روعه على قول زوجي شاي بحليب وهو بعد مو رخيص الحبه الكبيره مره المتر ب120ريال واللي اصغر فيه ب60وفيه ب55ريال للمتر ونطلع منه وادخل محل مو كبير مررره واشوف ذيك المملوحه ياويلي قسم بالله يابنات ايش سيراميك اسباني جنااااان احلا منه والله العظيم ماقد شفت التعرقات حقته واضحه كأنه رخااام وفيه منه 3الوان بني على بيج وبيج على كذا خربزي داخله مع بعض الالوان وبيج مع بني مع شي خفيف زراق ياااالطيف وتدرون كم سعره والله متره ب40بسسسسس بغى يغمى علي من روعته قلنا نخليه ونروح لمحل ثاني نشوف دخلنا محل كبير مره قام راعي المحل يشرح لنا وياخذ ويعطي ومدح الصيني مره وقال الناس هابين فيه يشترون ولما علمناه بالسيراميك الاسباني ابو 40قاااااال هذا سيراميك مو بورسلان وجودته طبعا اقل الا اذا متأكد بتضبط تركيبه مايكون فيه فراغ كبير بين السيراميكه واختها بيمشي معاك وانا كنت ضايعه بالطوشه احسبه بورسلان طلع لا سيراميك وبعدها هونت اكيد قص الليزر احلا بكثير كملنا لف وللاسف بصراحه الزين غالي من الاسباني بحدود 90وفوق طبعا فوق ميزانيتنا بزياده يعني ماادري والله زادت حيرتي ناس تمدح الصيني وناس تذم واصحاب المحلات مايعلموك بالصدق
والمطابخ يابنات دلوني تكفون على محلات يكون سيراميكها مميز ابي شي فخم للمطبخ خصوصا اني بسويه بس بين الدواليب فماعندي مشكله حتى لو طلع غالي كميته قليله بتكون
طبعا لقيت بورسلان مطابخ هندي روووعه قليل بحقه ياعليه لمعه شي وقعد راعي المحل يمدح فيه ويقول عليه ضمان بس تخوفت والله ماادري بعد اخاف اتوهق ومتره ب45ريال ويقول مررره ماشي
شوركم يابنات ونصايحكم اسباني ولاصيني ورشحولي محلات تكفون انا دخلت نص محلات طريق الخرج امس والنص الثاني قفلوا بدري عشان المطر بكمل لفلفتي هالاسبوع ان شاء الله ويارب نسكن بيوتنا وحنا وانتم بصحه وسلامه والله يهون علينا كل صعب ياكريم

مرحبا

ملف اكثر من رائع يعطيكم العافيه جلست على الملف من امس العصر للحين وخلصته كله :32:
استفدت من تجاربكم خصوصا بالنسبة للاصباغ لان كنت ناوية اصبغ شقتي من دهانات الجزيرة الاصباغ الجديدة
بس غيرت رأيي وقررت اصبغ ساده والغرف جدران مقلمة علشان ماتروح موضتها

مااطول عليكم ودي استشيركم في كم شغله واتمنى تتحملوني :)



هذي اخترتها للصالة ودي اسوي جدار نفس الالوان والزخرفة عااد ماادري الاقي صباغ يقدر يسويها او لا
بس محتارة في باقي الجدران الثلاثه شنو راح يكون لونها ؟؟
هل لون ساند او ديزيرت ساند من جوتن مناسب ؟ في البدايه كنت اقول بخليهم رمادي بس قلت يمكن يخلي لي الصالة كئيبة



وهذي اخترتها لموزع الغرف من بعد الصالة يجي ويودي لغرف النوم اخترت كشكل بس ودي يكون من فوق وتحت لون كريمي ولون التخطيط احمر غامق وكريمي وبني غامق لان بنفس الموزع عندي مغسله برى جنب الحمام والسيراميك اللي اخترته هذي الوانه بني غامق واحمر وكريمي زي هذي :



او اخليه كله لون واحد مثلا رخامي لون كريمي زي هذا


عندي كمان مدخل الشقة السيراميك حقه رمادي فاتح وفيه قطع ديكور لون اسود فحسيت ان يبي له صبغ غامق واخترت نوع صبغ من الجزيرة اسمه روعة نغم لون احمر بعدين غيرت رأيي حسيته بيكون مرة اوفر لو اخليه ساده بس لون غامق افضل مثلا لون احمر غامق ايش رايكم ؟؟



والجبس للمدخل نفس هذي الصورة وشكل المدخل عندي تقريبا مثلها بس بدون التجاويف الجدارية




كان ودي احط لكم كل اختياراتي من جبس واصباغ بس ماودي اثقل عليكم :35:

اتمنى الاقي رد بليزززززز لا تردوني لان بدأنا جبس هذا الاسبوع والاسبوع الجاي خلاص نبدأ في الدهانات :27:

يووووه الله يعوضكم خير يارب الله يخليك تكفين ليش خرب من تركيب العامل ولا واجهتكم مشكله بنفس البورسلان توني اشوف ردك جزاك الله خير ابي اقطع الشك باليقين يسوى هالصيني ولا الغيه من القائمه احسن