حج
حبيبتي الله يفرجها عليك يارب
أول شي اذا تبين علاج على حساب الحكومة شرط ماعندك اطفال ابدا و لا واحد هذا الشرط الاساسي عندهم
انا راح اقولك من خلال تجربتي لانهم رقضوني لان عندي بنت قالوا العلاج للي ماعندهم اطفال اصلا
تروحين مركز الملك فيصل للابحاث في الرياض روحي مكتب قبول المرضى
و تقولين لهم انا حالتي كذا و عمري كذا وزوجي عنده مشكلة كذا و لنا كذا سنة متزوجين و نبي الانجاب
و ابي افتح ملف .. بعدين يعطونك ورقة يقولون لك روحي اي مستشفى حتى لو خاص تعبينها
طبعا الورقة فيها تحاليلك و تحاليل زوجك و فيها نتايج اشعة الصبغة حقتك
بعد ما تخلصين الورقة تودينها لمكتب أهلية العلاج و هم يرفعون الورقة و التحاليل للجنة الطبية
اذا وافقت اللجنة الحمدلله يحددون لك وقت تجين لهم و تبدين العلاج
يكون علاجك على حساب وزارة الصحة يصرفون لك تذاكر من شركة الطيران السعودية مع كل موعد لك اذا كنتي من خارج الرياض
طبعا انا اجريت كل هالاجراءات بس اللجنة رفضتنا لان عندي بنت الله يخليها و يحفظها و يتمم لي على خير حاليا
هذا الحل الاول لك على حساب الحكومة
في حل ثاني هو انك تحددي الدكتور الي بتسوين عنده العملية على حسابك
و تروحين له و تقولين له حالتي المادية مرة صعبة و العمر يجري ايش رايك اتابع التبويض
و التنشيط مع مستشفى حكومي بس عملية السحب و الرجيع تكون عندكم
اغلب الدكاترة يوافقون على هالطريقة
تكلفة السحب و الترجيع تقريبا تكلف من 7- 8 الف اعتقد اغلب المستشفيات كذا و الله يعينك
حبيت افيدك و افيد البنات الي مثلك يحتاجون لمعلومات عشان العلاج
و اسأل الله ان يفرجها عليك و على جميع البنات و يرزقكم الذرية الصالحة عاجلا غير آجل يا رزاق يا كريم ارزقنا جميعا
°•.• تجمّع الأمل57 للمقدمآت ومنتظرآت نَتِيجَة أطْفآل الأنابيب والحقن المجهَري •.•°
متابعة النقاش، صفحة 149