القاز و ما ادراك ما القاز تجربتي الشخصية

السلام عليكم
أختي شنو النار والحرارة
مدريتي إن الزيت مادة قابلة للإشتعال والعياذ بالله
يعني لو النار لاقدر مسكت في الشعر وهو فيه زيت فقط حالة حال الجاز اللهم أجرنا من نار الدنيا ونار الآخرة
بس أنا حبيت أوضح ومشكورة ولاتصيري خوافة خاليكي شجاعة :))

بنات القاز بشعركم ؟ مرة وحدة حطو كلوركس ؟!! والا اللي يغسلون جسمهم بصابون تايد ! القاز مادة بترولية طبيعي يعطي لمعة ! وفروة الراس تمتصها وتسبب لكم وللاجنة امراض ما تتخيلونها
اللي تقول وتبرر ان البنات يستخدمون كيراتين ترا مو كل كيراتين ضار الا بوطقة !؟ ومعدل بنسبه
قبل الناس مبتلين بالقمل ماكلهم اكال ،،،،  فمالهم الا القاز ، لكن الحين تطورنا ياحظي ! في شامبوهات طبيه وريحتها. اعشاب روعة. تعالج  القمل !؟ واسعار زهيدة ولا تسبب مضار !؟ 
واذا طلعت خبيلة علي التلفزيون وسمت نفسها خبيرة ( ترا الخبير لابد يمر عليه بمجاله 25 ينه علي الاقل بقدم فيها 20 ابحاث معتمدة ليحصل علي اللقب) العيب مو عليها العيب علينا نصدقها !! يا هويله هولي ،،،، !!! يا بنات ديروا بالكم،  الفراغ  مصيبه ويودي بتفكيركم الي وين ؟! اجل قاز يطول الشعر ؟! الا وراهم اللي يشتغلون بمحطات البنزين والبترول مصلعين ووجيهم تجيب الاكتئاب ؟!!! ودايما لهم فحوصات طبيه ؟! 

الحمد لله علي نعمة ااعقل والله يستر  علي البنات   
 

اختي صاحبة الموضوع ترا قريت الردود ويبدو صار زعل وشد وجذب بالكلام ؟! ارجو منك ما تاخذين الاراء بشكل شخصي ؟! خلونا حبايب ونتقبل كلام بعضنا ، لو ادري ان النفوس شايله ما كتبت ولا شاركت ، عالعموم ترا انا اختكم واخاف عليكم وعليك ، ما ارضي لك اللي ما ارضاه لنفسب ، وان شفتي بكلامي ( ترا اسلوبنا بالكويت حذيه فما ادري عنكم ) شفتيه ما تتقبلينه وسبب لك اكتئاب وزعل وخصومه تمتد ليوم القيامه !!! كلمة اخيرة ترا احنا اهل وخوات معقوله صرنا تنزاعل علي قاز !!! انا اعتذر اذا رايي الشخصي ما عجبج 
والله يبارك في شعرك  

اشكر كل من مرت و ردت رد طيب

اختي خديجة في كثير اخوات اعترضوا و ردوا بردود طيبة و ا اللي ما تدل الا انهم من اصل طيب

و لكنني خصيت بعض العضوات اللي كانت ردودهم اذية و ليست نصح كان عين الله لا تراهم
و الصراحة بارك الله في الاخت نيبال فقد كانت حريصة و الله انها باعتذارها ارتفع قدرها عندي و ياليت اختنا غدا احلى حدت حدوها