اولا اقول لكل زوجه اولى انت والثانيه عند الله سواء ...
بالنسبة لي انا زوجه ثانيه والحمدلله اعيش حياه حلوه ولله الحمد والشكر وهذا بفضل الله ثم عدل زوجي وأقول لكم يالزوجات الأوليات والثانيات الحب عند الرجل يختلف عن حبنا احنا للرجل,, الرجل يحب راحته ويحن قلبه للودود المرحه المتفائله .
وصدقوني والله لو أشوف منه ظلم للاولى ماأرضى.. فكروا بعقولكم عدل وترتاحون نفسيا ويرتاح زوجك معك , تصدقون عندي علم بحسرة زوجته الاولى وقهرها لما اتزوج عليها وشايله همها وربي الشاهد علي لأني ارحم النساء والرجل طبيعي فطرنه التي خلقه الله عليها القوه ويقدر يجمع 4 حريم سبحان الله بس المرأه أحيانا تنسى الاخره ونعيمها وتفكر بس بالرجل بحياتها كلها كأنها لم ترزق من نعمة الا هذا الرجل,,
أنا بقول لكم موقف مني لايعلم فيه غير ربي,, كان زوجي مسافر ولما يرجع يكون يومي ’ ورجع هذاك اليوم بالليل من سفرته ووالله اني قلت له حبيبي اكيد بتمر عيالك وتسلم عليهم واحنا باخر الليل وانا لسه عند اهلي ماتوقعت طيارتك توصل لان الحجز ماتأكد ونام عند عيالك بالمره واشوفك بكره ان شاءالله ,,,, مع اني حاسه انه بيزعل اني مو مشتاقه له وليش ماانتظرته وانا بقلبي اقول يارب اذا كنت تعرف اني بفعلتي هذي ابيها تحس بتفضيله لها علي ويطيب خاطرها لاننا كنا في بداية زواجنا وكانت هي منهاره مرررره .. وادعي اذا كنت تمنيت لها ماتمنيته لنفسي وفكرت فيها كأخت ان الله يثبتني مع هالرجل اللي مسعدني ويدوم المحبه بيننا ’’ والحمدلله لي فتره طويله الحين وجبت منه عيال وهو حبيبي اللي ماتغير ولله الحمد والشكر.
اللي بقوله صفوا نواياكم واتركوا الخلق للخالق’ اذا كانت الاولى ظالمه الثانيه الله فوقها واذا الثانيه ظلمت الاولى كمان الله يحاسبها والرجل يساعدك على الحياه المستقره الجميله ومسؤولية تتحملينها ومايجوز لك تعذبينه معك , يابنات احسنوا النيه ويرزقكم رب العالمين و والله ان الاوليات والثانيات كلهم انظر لهم بعين المحبه لانهم مثل اي بشر ,, فقط اكره البعيده عن الله سبحانه وتعالى واحتقرها لأن الله خلق لك العقل لتفكري وترين ان الدنيا بجميع مافيها ممر عيشيها بسعاده ومتعه ولا تعكري صفوك وصفو اولادك وزوجك لانه امانه تسألين عنها يوم القيامه..
واتمنى مااحد زعل من كلامي مجرد تعليق بسيط حبيت اطرحه.
اهداء لأم سعود خاصه والزوجات الاوليات عامه ولاعزاء للثانيات
متابعة النقاش، صفحة 15