صباحكم ورد حبيباتي
درس اليوم للغاليات اللي طلبوا الخطوات
واللي حابين يعرفون طريقه الايلاينر المفتوح
وهو شرح باللون الازرق لطريقه الفراشه
( وكالعاده الالوان ماتطلع بالصوره مثل الطبيعه :( )
بس يبقى حلو (<<< البنت واثقه )
بسم الله ننطلق
.
.
.
بعد ماجهزنا الوجه كالمعتاد نبدأ رسمة العين.....
الادوات المستخدمه :-
الشدو الابيض من غيرلان
اللمعه الزرقاء من كلور ايفيليوشن من محلات المنصور
الشدو الازرق الفاتح من باليت شارمل المربع
الشدو الازرق الغامق من باليت شارمل الدائري
الشدو الاسود من غيرلان
الايلاينر من لانكوم
الكحل الازرق من شارمل
الماسكرا من لانكوم
الغلاتور للي تحب من شارمل
.
.
الخطوات :-
اولا رسمت الحاجب بالشدو البني
وبعدها وزعت الشدو الابيض تحت الحاجب وبدايه العين من تحت ونهايه العين للمحافظة على نظافه المنطقه... لاحظي الصورة
تحت اللون الابيض وزعت الشايمر الازرق تحت اللون الابيض على الجفن الثابت وندمج شوي
تحت الشايمر حطيت اللون الازرق الفاتح ودمجته مع الشايمر شوي
وبعدها وزعت اللون الازق الغامق على الجفن المتحرك ودمجته مع الازرق الفاتح
لا حظي حدود الشدو في الرسمه تراهي مهمه جدا علشان تضبط معاك الرسمه المفتوحه
الحين نجي للآيلاينر.. نرسم خط على الجفن العلوي لغايه طرف العين الخارجي ونوزع شوي عند الطرف صعودا مثل الصوره
على الجفن السفلي نرسم خط في منتصف العين بس ونحط نقطتين لتحديد عرض الايلاينر وطريقه الفتحه اللي نبيها وبعدها نوصلها بالايلاينر
بواسطه الفرشه الرفيعه اللي مثل ريشه الايلاينر ( نبلها ماي ) ونمررها على الشدو الاسود ونضبط رسمه الايلاينر تحت العين وفوق العين ندمج الطرف اللي رسمناه مع الشدو الازرق ونزيد اللون لغايه مانشوفه مناسب
اخيرا نحط بالفرشه خط من اللون الازرق الغامق تحت الايلاينر على الجفن السفلي
داخل العين نحط كحل ازرق
والماسكرا طبعا ما ننساها
ونضبط الشدو الابيض اللي حطيناه عند الفتحات ونرش شوي غلاتور
وهذي النتيجه
ويارب تعجبكم