مكنسة ال جي
ميزتها انه زر التشغيل في اليد مو في المكنسة ... وكمان تختاري قوة الشفط ... يعني لمن اكنس ستارة ولا دعاسة اختار قوة شفط منخفضة عشان لا تسحبها وتخربها
مكنسة التنظيف اليومي:
[/
تنفع في لم الأوساخ البسيطة كل يوم .. تشتغل بالشحن وما تحتاج كل يوم تمدي السلك وكمان تنظيفها سهل
منشفة مسح الأرض
[/
ميزتها انه بعد كل مرة أمسح بيها الأرض أقدر احطها في الغسالة وأغسلها بدل المساحات اللي بعصاية تجي عليها فترة ما تقدري تنضفيها وتعمل ريحة في البيت .... والمنشفة لها ناحية خشنة وناحية ناعمة... تبلليليها في موية ومطهر وتفرشي الناعمة عالأرض والخشنة من فوق وتحطي عليها أي مساحة بلاط عندك وتدفيها بكل سهولة
في المطبخ:
منشفة تنظيف عامة
تجي مصنوعة من نوع قماش ما يلتصق فيه الأوساخ ... يعني بعد ما تمسحي الوساخة وتحطيه تحت الموية تلاقي الوسخ ينزل بسرعة مو زي الخروق ... وبعد ما انضف بيها المطبخ أنقعها في موية وكلوركس وترجع جديدة
منظف فيري
أبخه على البوتوجاز وسطح المطبخ وأسيبه دقيقتين وأمسح بالمنشفة المبلولة موية ومطهر ويصير كل شي نظيف بسهولة
فرشة صغيرة
عندي منها حبتين .... وحدة للأطباق والقدور ووحدة لبلاعة المطبخ ..... ميزتها اني انظف بيها الصحون قبل لا استخدم الإسفنجة وتتوسخ عليا بزيادة .... وكمان في تنظيف بلاعة حوض المطبخ والصفاية ... وبعد الاستخدام انقعها في موية وكلوركس
في الحمام:
منظفات الحمام
أي ماركة زي جف وكلوركس بس أنا عجبني مستر مصل أكتر شي ... وطريقته انك ترشيه على كل مكان في الحمام وتسيبيه شويتين بعد كده الأوساخ تطلع ويصير بس تمسحي باسفنجة من غير دعك
سطل أدوات التنظيف
أحط فيه قارورة كلوركس صغيرة وديتول واسفنجة ومنظف المراحيض والحمامات ومعطر جو وعلبة تايد وزبدية ولمن أنوي اغسل الحمام أشيله وأروح للحمام ....
