تجربتي التي لم تنتهي مع الدكتور فواز ادريس

كيفكم بنات اخباركم انا اليوم رحت للدكتور فواز ادريس كان موعدي معاه الله لايوفقو يضحكوا علي الناس مادري ايش يحسبونا مانفهم يكفينا اللي فينا مو ناقصين تصدقو يابنات انو طال عمرو الموقر مايشوفك ويتابعك الا يوم السحب او الترجيع وكمان انتي وحضك ومايقول ان ماراح يتابع لا يخليكي لما تبدأي بعدين تلاقي السكرتيارات حقتو هاجمين عليكي ماتقابليه ملك زمانو ابدا هما الواسطة اللي بينا وبينو يعني اذا تبغي تستفسري تبغي تسألي نو واي تلاقيه من الساعة 12 الين 5 العصر وانا عندهم ولا يقولوا راح تقابليه او شي يخلوكي تسوي كل شي وتدفعي وفي النهاية ماتشوفي غير سكرتيرتو والممرضة اللي سوتلك الاشعة التلفزيوينا وبعد ماخلصت قالولي روحي بيتك احنا نعرض الملف ليه وهو يقرر متي توقفي حبوب منع الحمل وتبدأي بالتنشيط واحنا نردلك ايش قررلك تصوروا يابنات يمكن لو رئيس دولة كان قابلتو وهو اللي ماصرلو 4 سنين يمارس المهنة مسوي لنفسو هيلمان اه يحرقت قلبي حتي الاشعات والتحاليل ماشافها ماعرف ايش عندي وايش ماعندي اخذوا الفلوس وبس نصيحة لكل البنات اللي فيها حيل تتحمل الغثا دا تروح اللي مافيها لاتروح قابلت حريم هناك مقهورين وكم وحدة تبغي تكنسل واساسا ماعندوا زحمة علشان المرضي مايستحملوا الاحتقار دا المهم انا بديت معاه بس بحبوب منع الحمل بنات اكمل معاه والا اروح لدكتوري الول ربي يسعدو دكتوري الاول والله لو جلست علي راسوا اولول مايقول شي وكل شي يسويه بنفسو ويرد علي اي شي ابغاه مايقصر وهو برفسور وعندوا ابحاث وخبرة 25 سنة ماسوا سوايتو حسبي الله عليه ردوا عليا ضروري لسة مادفعت فلوس العملية اكمل والا كيف صليت الاستخارة قولولي بليس ابغي رايكم في كل الي حصلي كنت اكلم زوجي عليه كان زوجي في العمل صاحبو معاه قال ترا ذا الدكتور مجنون انا وزوجتي هربنا منو قبل لا يسوي شي بنات يقولوا استخير واستشير انا استخرت والحين استشرت طفشت فيا هم وغم ذازاد الالم اللي في قلبي ربي ينتقم منو وكمان يقولي ترا انا واصلة معايا وتعبان اشعة الصبغة مافيها الم تبغي تسويها والا كيف شوفوا اسلوب الحقارة :024: ردوا عليا بليسسسسسسسسس مستنيتكم

59 تعليق 105,660 مشاهدة

شاركي في النقاش

سجلي الدخول لإضافة تعليق.

التعليقات

59
  1. @ronk2011

    والله انا اشوف ادا كان طبيبك الاول ممتاز وفاهم حالتك انك ترجعين له افضل

    والله يكون بعونك
  2. @dloaah_nt

    والله حبيبتي انا رديت عليك في التجمع وارجع واقولها لك اذا اخلاقه كذا نصيحه تراجعي من البدايه لانه لازم نفسيتك تكون تمام وانتي تقولي مو مرتاحه

    ارجعي لطبيبك او روحي لمجدي الشيخ في فقيه مرره شاطر
  3. @rysh_fnan_3

    نصيحه اتركيه وروحي للدكتور الأول

    انا قبل فتره رحت لدكتورة نساء وولاده وكانت زي ذا الدكتور تسوي زحمه والشارع فاضي
    اسبوع وانا اروح لها كل يوم العصر الساعه 4
    وماترضى تدخلني تقول تعالي احجزي الصباح عندي زحمه والناس كلها حاجزه عندي وووو

    في الأخير تركتها ورحت لدكتوره ثانيه
  4. @mymo_khald

    بصراحه انا قابلته وكان أكثر من رائع
    لكن مدري عن أسلوبه بالعملية كيف
    والمستشفى راقي جدا بالتعامل بس غالي جدا
    وهو ماشاء الله شاطر وكثير حوامل عنده
    والارزاق بيد الله
    ودامك مارتحتي لاتكملي معه اهم شي الراحه النفسيه بالعلاج

تابعي تجارب أخرى من هذا القسم.