♥OoO♥ طلوا يا قمرات طلوووا...حياااااا الله عسووولات كندا♥OoO♥ تجمع 10

اذا ماعندك لغه عادي التواصل معهم لانهم كلهم بيحكو عربي
بامكانك تكلميهم
يوم السبت بميسساجا مدرسة الهدى والنو اعتقد عندها تحفيظ قران
ومسجد المدينه عندهم تحفيظ لكن مااذكر ايش هي الايام المحدده للحفظ

يا قلبي ما تقصري والله كلنا مضيعين خليها على الله تسلمي يا عسل كيف اموركم الى الان ما قرتو فين العزم

الله يكون في العون كيف الجو عندكم :2thmup:

سلام

كيفكم يا عسولات

قبل امس صارت لنا سالفه غريبه:icon810:

لما جا وقت العصر بدت تطلع في البيت ريحه غريبه كانه ريحة بلاستك محروق او كفرات السياره اذا مسكت بريك بقوه المهم الريحه تروح وتجي مش ثابته وناديت السوبر حقت العماره ومره استغربت بعدها خلت زوجها يجي ويشيك على الكهرب ما حصل شي الغريب ان الريحه كانت بس في بيتنا
سويت بحث في النت طبعا بالانجليزي ولقيت مواضيع تقول انه ريحة الكوكايين (مخدر) اذا تم عمله دخان يكون ريحتة ريحة ربر محروق او بلاستك محروق
نادينا السوبر انا وزوجي ووريناه اللاب توب طارت عيونه قال ممكن لا تستغربون شي باروح اشم عند ابواب الشقق واشوف من وين جايتكم الريحه
المهم اني صرت اتوهم واقول لزوجي صدع راسي وهو نفس الشي هههههه
واحنا على هالحال لنا يومين
بس السالفه ما خلصت
لما جا اليوم المغرب واشوف تحت الهيتر اللي في الصاله حبر اخضر مكبوب وثقيل كانه صبغ واقعد اوسوس لانه بيتي كله ما فيه قلم اخضر وهذا الهيتر تحت شباك كبير فبدا الشيطان يلعب في عقلي قلت اكيد احد داخل الشقه وانكب منه بالغلط :06:
وبعد كل هالافلام اللي دارت من وجود مدمنين ومن وجود احد دخل الشقه ومن ومن ومن
طلع الموضوع ولدي الصغير رامي بلونه خضراء في فتحة الهيتر وكل مره يشتغل تبداء البلونه تذوب وتطلع الريحه لين ذابت كليا وصارت مثل الصبغ وسالت على الارض من فتحات الهيتر خخخخخخخخ الريحه كانت تروح وتجي لان كل ما اشتغل الهيتر بدت تذوب وتطلع ريحه واذا طفا راحت الريحه هههههه

وهذي قصتنا هههههه صدق ان العقل اذا صدق شي ممكن يخليك في دوامه من الافكار

ههههههههه والله موقف انتبهي يا قلبي دائماً شيكي لا سمح الله لا يكونو رمو شي و يكون قابل لاشتعال الله يحمينا من كل شر يارب ويحفظنا ويحفظ اولادنا

كيفك انتي بداتي الدراسه وكيف الرجيم بشري نزل وزنك وصرتي منيكان

انا على بجيمي تخفيف بصراحه وزني بينزل بس ببطء الحمدلله

والله وحشتنا ام اسيل ما اعرف كيف وزنها نزل اعتقد كانت متبعه نفس رجيمك صح

احمدلله على الصحه والعافيه سلم يا حلوة

تسلمين
امورنا واقفه لاجديد يذكر وربي يكون بعون الجميع
اجواءنا حاارة مع شويه رطوبه الصباح وغبار طول اليوم :2thmup: