السلام عليكم ورحمة الله وبركاته
أخواتي .........أنا في دوامه وسأحكي لكم حكايتي راغبه في النصح والتوجيه منكن وعلى قولتهم إسأل مجرب ولا تسأل طبيب
أنا مطالبه من جهة عملي بإكمال الدراسات العليا ومضطره للسفر خارج المملكه للدراسة وزوجي موافق ومستعد يطلع معي وعندي طفلين واحد بيكون عمره سبع سنوات والثاني أربع سنوات إلى الآن مارسيت على بر ........ ويدور بعقلي أسئلة كثيرة ومتخوفه جدا من الغربه وتوابعها (محسوبتكم ما عمرها طلعت من المملكه )
أسئلتي أو بالأحرى مخاوفي :
1- أيش أفضل كندا (أوتاوا ) والا بريطانيا (إدنبره ) والي عندها رأي آخر لاتبخل علي
2- الأطفال كيف بيكون وضعهم هل يدرسون عادي في مدارس الدوله اللي هاروح لها وهل يدخلونهم مباشره في مدارسهم حتى لوكان ماعندهم ولاكلمه إنجليزي وهل يندمج الأطفال بسرعه مع أقرانهم في حال قبلوهم وإذا ما قبلوهم كيف يكملوا تعليمهم ....
3- هل الكل يحس بالخوف اللي أنا حاسه فيه قبل ما يطلع هل هذا شي طبيعي (أنا اللي راح أطلع زوجي وأولادي معايه لو صار لنا شي أحس أني أنا المسؤله ...كذا أبفكر لا تلوموني يعني لو كان زوجي المبتعث ممكن ما أشيل هم لكن العكس أنا المبتعثه وهم اللي طالعين معايه )
4- ‘نجليزيتي مبتدئ لكن إن شاء الله راح إخذ دورات في المعهد البريطاني يعني آخذ خمس مستويات تقريبا وبدأت أنا أشتغل على نفسي كمان زوجي مبتدئ وخايفه من سالفة اللغه في المطار وغيرها هل يطولوا بالهم علينا وهل ممكن المكاتب أو النوادي السعوديه توفر لنا أحد يستقبلنا في المطار ويخلص إجراءآتنا
5- الهاجس الأكبر هو السكن ..... ممكن في أحد يأمن لنا سكن من السعوديه يعني نوصل ومباشره على بيتنا والا لازم من شغلة الفنادق والحوسه .... قولوا لنا تجاربكم أول ما وصلتوا مع مسألة السكن هل سكنتوا بفنادق والا أمنتوا سكن من السعوديه
الله يفرج كربة كل من ترد عليه وكل المسلمين ياااااارب
تصدقون أحيانا يجيني هاجس أبطل دراسات عليا وأترك الجامعة وأجلس ببيتي وأنسى هموم الدنيا من كثرت ما أنا شايله هم الموضوع هذا .....
شاركي في النقاش
سجلي الدخول لإضافة تعليق.
التعليقات
19- أنا كل الكلام اللي بقوله الخوف ماله داعي إحنا وين ماكان اللي بيسير علينا بيصير
وطبعا أنا لافي بريطانيا ولا كندا بس المطار مايخوف - صاحبة الموضوع #74940434شكرا على الرد ............. تجاربكم يا أخوات خاصة موضوع الأطفال والسكن
- السكن امره سهل ممكن عن طريق مواقع واغلب المبتعثين يرحون ويسكنون بفندق وبعده يستاجرون او عن طريق الاصدقاء بالنسبة للاطفال لاتخافين عنهم طولة بال عليهم وبالنسبة للطفل يندمج وسريع استجابته لتعلم اللغة اهم شي انت حددي الدولة الي انت رايحة له وبعدين ممكن تتعرفين على احد يدلك على سكن او عناوين المجمعات السكنية بالنسبة لكندا باردة ودولة راقية وتعامل اهله جدا رائع والمباني حلوة بريطانيا زحمة واهله عنصرين والمباني قديمة الى درجة وحدة تقول العفن والفطريات منتشرة وزحمة ممكن تلقين احد بيمدح بريطانيا وممكن لا والعكس لكنداء والله يوفقك ويكتب لك الخير اهم شي الاستخارة وترتيب وتنظيم الوقت
- ما عندي خلفية
رفع - كل ششششي سسسهل مرره لاتشيلي هم
وترا هما هنا متعاونين يعني عارفين ان البعض جايين
وماعندهم لغه
ولاتخافي ابداً توكلي ع الله
مواضيع مشابهة
تابعي تجارب أخرى من هذا القسم.