يا اختي لا والله ما ينفع كدة
الكرسي لعمر شهر لأربعة شهور بالكثير لكن بعد كدة لاااااااااااااااااااازم الطفل تحطيه على الارض.. لاااازم طيب كيف بالله تبغيها تتطور وتتعلم وتكتسب مهارات وكيف تقوي عضلات جسمها ورجولها خصوصاً علشان تتهيأ للخطووة الجاية اللي هي الوقوف وهدي ما تحصل إلا لو ريضت جسمها بالحركة... حرام عليكي خليها تستكشف وحطيلها اشياء تستكشفها .. في هذا العمر يحبوا كراتين الالعاب اكتر من الالعاب نفسها والملاعق والقدور.. حطيلها في كل ركن شي.. مثلا قدر وجواته ملعقة ولما توصلها اضربي بالملعقة على القدر وخليها تكتشف الصوت وصدقيني على قد ماانتي شايفة انه موضوع هايف لكن عنده متعة كبييييرة عند الطفل وكأنه اكتشف كوكب.. وهذا الكلام مو من عقلي قريته لعلماء تربية للأطفال.. اعطيهم حريتهم ووزعيلهم مفاجاءات .. اشياء بسيطة لكن شي جديد بالنسبة لهم..
كمان لا توسوسي وتخافي من انها تحط شي في فمها .. كل الابحاث الاخيرة اثبتت ان الحركة هذي لأن اللسان عندهم زي اليد ويكتشفوا بحلمات اللسان عن اي شي اكتر من اكتشافهم لها بعيونهم واياديهم.. وان لاداعي للخوف من الجراثيم.. لأنها تمنح الطفل مناعة من امراض خطيرة لأن جسمه يتعود على محاربة الجراثيم والبكتريا ويصبح جاهز ومستعد للأخطر
انتي بس اهم شي لا تتركي شي في الارض يكون ممكن يدخل في حلقها.. ونظفي الارض والاشياء اللي حولها بالقدر العقول
بس ما انصحك تحبسيها .. بعدين رح تصير تنحة ورح تتأخر في اشياء كثير .. وفي مهارات كثيرة والكلام "بالعربي" رح تصير تنحة
ساعدوني وين أجلس بنتي الضغيرة طول النهار؟
متابعة النقاش، صفحة 3