تجمع امهات اطفال الاعاقة السمعية (( الثاني))

عليكم السلام
بنتي لاجديد ع وضعها رافضه السماعه
والمستشفى موقفين التاهيل لان الاخصائيه طالعه مؤتمر اإاه من هالمرمطه

بنت ال حسين اش سويتي مع اسيل وبرضه بنت العيص وش تسوون اذا غابت

ندوش وش يسون لبنتك في التاءهيل وهي ماتلبس سماعه. من يعرف مركز الجفال لتاهيل المعاقين ببريدهً

والله لحد الان ماسوو معاها شي بس العاب حتى هي قالتلي وانا ادربها بالبيت
لانه اغلب الايام تعتذر او حنا مانروح
تقول ماندربها نطق الابعد القوقعه الحين بس مهارات

هلا وغلا
لما اسيل تتغيب انا اعلم بنتى وبزياده ويش اسوي

وندوش 90% تخاطب يكون بالبيت يعنى لازم نكون كالببغاء لهم ونكرر لين ماينطقوا هذه لابنتي

اما ولدى ولا شئ يرمي السماعه وبالايام مايلبس والتخاطب لسه على شهر 10 تخاطبه وبس

الحمدالله على كل حال

.
.

صباح النور والسرور

يالبي ألبكم ... الله يعطيكم الأجر أن شاء الله

الصبر ثم الصبر ... خليكم شجاعات عشان عيالكم

وخلوكم معاهم لاكبروا بتشوفون ثمره جهدكم بإذن الله ... كـ أمي الغاليه

وضعف السمع مو إعاقه علموهم هالشي وحطوه هالشي ببالكم بعد

رب العالمين أذا أحب عبدا أبتلاه ... ماأخذ منهم السمع بل ضعفه والحمد الله هذا نعمه

كنت بالصف اثالث الابتدائي أكتشفت ضعف السمع ولي الآن 14 سنه ومازال لدي ضعف السمع الشديد وألبس السماعه

وياربي لك الحمد أسمع ... واجهات نظرات في طفولتي عن السماعه وأذكر كلمه أمي [ قولي الله يسامحهم ]

كنت أقول هالكلام وأبتسم وكبرت متوسط وثانووي وكليه .. تصدقون في هالمراحل وللآن ماقد سئلني أحد ويش ذا ومن متى

عارفين ليه .... لاني مااحس بـ هالشي أبدا حالي حال اللى يسمعون ...

عيالكم مو محتاجين إلا شيئين ... الدعاء والأهتمام


أختكم السليمه ... هلالية*

^_^