::::::: مدخل بيتي فضي وأسود :::::::



السلام عليكم ورحمة الله وبركاته

من فترة وأنا ابغى أسوي مدخل في بيتي ومحتارة بين المداخل الكبيرة

والصغيرة يعني تجميع ( مراية ورفوف وتحف ) أشوف الكبيرة أفخم من الصغار

المهم رحت هوم سنتر كذا مرة عجبتني مراية فضي وشي ذهبي وفي اسود بس مو مرة فخمة

بس قولت لو أخذت الفضي مافي رفوف فضي

وجلست أفكر الى أن طرئت في بالي هذي الفكرة <<<< مرة اختراع كأنو

والحمد لله اشتريت وجمعت وخمخمت من هوم سنتر حبيب قلبي ورد تاغ اشياء بسيطة

يلا اخليكم مع الصور وراح اكتب اسعار كل شي ومن فين

بسم الله






وهنا جهة الباب الي يدخل على القسم التاني من البيت

والي زي المعينات ملصقة في الجدار هذي اساسا

كنت معلقتها جهة المغاسل بدال الي حاطتها دحين بس جات قصيرة لاني

اشتريت وحده بس وقلت لمن اروح هوم سنتر مرة تانية اشتري زيها وازيد عليها لكن ما لقيت

نفس الشكل فاضطريت اغير الشكل وبدال ما ارمي هذي قولت الصقها على الجدار ايش رايكم
��





وهذي من جهة المغاسل كلو في نفس المدخل




يتبع

425 تعليق 132,350 مشاهدة

شاركي في النقاش

سجلي الدخول لإضافة تعليق.

التعليقات

420
  1. صاحبة الموضوع
    باك

    هذي مفرشة من هوم سنتر بـ 549 ريال





    وهذي الرفوف تجي مع بعض من هوم سنتر بـ 39 ريال

    التحف من هوم سنتر برضو الي في اول رف من فوق الحبة بـ 12 ريال

    والي في الوسط الحبة بـ 9 ريال

    والي في الاخير التلاتة مع بعض في كرتون بـ 12 ريال



    وهذي لتعليق العبايات من هوم سنتر بـ 39 ريال



    وهذي بـ 39 ريال تجي اربعة حبات في كيس معاها
    حلقات حديد اذا تبغي تعلقيها زي ما علقتها عند المغاسل




    وهنا شكلها من قريب عند المغاسل اخدت منها اتنين شكل غير



    المراية من هوم سنتر بـ 349 ريال

    ولحسن الحظ كانت اخر حبة الي في العرض واخدتها

    والكرستالات انا ركبتها الاربعة حبات بـ 10 ريال من محلات الفصوص والكرستالات




    الرفوف هذي برضو من هوم سنتر الواحد بـ 59 ريال

    التحف الكبيرة الي في الرف الي فوق الوحدة بـ 49 ريال هوم سنتر برضو

    والي في النص شمعدان هدية من سيتي ماكس من سنتين جاء وقته وطلع للدنيا

    الرف الي تحت على اليمين علبة مناديل من رد تاغ بـ 29 ريال

    والفواحة من زهور الريف بـ 41 ريال

    والعلبة السودا هدية من لايف ستايل من زمااااان واتقشرت
    طمست القشور بقلم اسود حطيت فيها الكبريت وشموع الفواحة وعطرها

    اخر شي في الرف على اليسار مبخرة هدية من امي جابتها من دبي




    ايش بااااااقي ايوا الخداديات

    الي تحت الرفوف من رد تاغ الوحدة بـ 29 ريال




    وبكذا خلصت

    تقريبا كلفني المدخل كلو على بعضو 1500

    اللهم لك الحمد كما ينبغي لجلال وجهك وعظيم سلطانك

    اللهم ادم علينا نعمك

تابعي تجارب أخرى من هذا القسم.