تجمع بنات ليبيا

شن حالكم توه يابنته يلا نبو انهدرزوا على كل وحدة شن امدايرة فى الغربة مدايره جيران واصحاب وشنى اتعلمت لغة البلاد اللى هيا فيها والا غير امقعمزة فى الحوش يااطيب واضم يا ع الانترنت وخلاص بالنسبة ليا انى
كيف بادية نتعلم اشوى اشوى فى اللغة لانى مش قاعدة ديما اهنيا لانى نمشى ونجى والمرة هادى بالك انطول فقلت لازم نتعلم لغتهم بصراحة لغتهم صعبة اشوية لان اللكنة غريبة علينا وطريقتهم فى نطق الحروف --------بكبكى---يعنى لما يبدو يتكلمو قدامى بسرعة انقول فى خاطرى معقولة انى بنتكلم هكى ياودى هادى امهههههههه والعرب فى المنطقة اللى انى فيهامفيش بكل يعنى لازم نتعلم نتكلم معاهم ----------تعرفونا احنى حشيشتنا الهدرزة يعنى قاعدة غير نضحكلهم ويضحكولى وخلاص ممممممممالك حالة غير الحمد لله القيتكم اوخيات زى العسل انوسع خاطرى معاهم وربى يحفظكم

بنات بما ان اليوم جمعه قلت خليني انديرلكم عصيده وان شاء الله تعجبكم هههههههههههههههههه

صباح الخير >>>>طولوها شوية عرب طرابلس ايواه

جوهم مليح الكوريين وخاصة انهم ما يكثروش الدوة ولما يحبوا حد سبحان الله ايعبروا على ودهم

واحترامهم بحركات تعبيرية ماشاء الله غير ناقصهم التوحيد مساكين ربنا يهديهم وخلاص

وبعدين انتي شن اتديري غاديكاي تحسيها بلاد ما فيهاش ليبيين اللهم انتم في المكتب الشعبي صح ؟؟

ربي يعينكم لكن لا زم تتعلمي لغتهم حتى شوية احسن من بلاش وموفقة حبيبتي يارب

اما اني في فرانسا احلى بلاد في العالم ونتكلم قالبة الدنيا على راسي عندي صحاب من كل الجنسيات

ما ناجي مني حد ههههههههههههههههه فرنسيس والمان وطليان وشيشان وروس وخليجيين و

سنغاليين وكميرونيين وتشاديين ومن فيتنام والصين والكونغو وانقليز وبولونيين ولبنانيين وسوريين وفلسطينيين يعني من كل بستان زهرة

امممممممم نسيت غينيا كوناكري وبصراحة يموتوا علي الليبين غر قولي اني ليبية بيدهم التننين

يسلموا عليك

وطبعا ملح فرانسا ما تنسوهمش المغرب العربي علاقاتي بيهم مش قوية من بعيد لبعيد اللهم المغربيات

ماشاء الله ملتزمات وربات بيوت من احسن نساء العالم عكس الفكرة اللي واخدينها عليهم والله ظلم

انحبهم بصراحة

قلبتلكم روسكم معليش على عيونكم حبيبات قلبي

اما ناقصني ليبيات مافيش لكن اهو ربي عوضني بيكم الحمدلله

كئنكم معاي بصراحة ربي ما يحرمنيش من طلتكم العسل ياعسل انتم

تقبلوا حبي كلكم