ماحصل لي فالخبر
السلام عليكم
هذا الله يسلمكم كنت رايحه للخبر المكان الي اعشقه واحبه
المهم كان ذاك الوقت نتمشى انا وزوجي وكنت ابي دورة مياة طارى جدا
رحنا لوحده استغفر الله مدري وش يحسون هالسياح قسم بالله قرررررررررررررف ماقدرت ادخل الريحه ردتني قبل لا ادخل استغفر الله :(
المهم اني رجعت لزوجي قلت مستحيل ادخل ركبت وقعدنا نفرفر ندور على مكان ثاني
الا ونوقف عند وحده قال زوجي هذي شكلها جديده
المهم نزلت ويوم قربت عند الباب حسيت بدوخه :humm: قسم ريحه تصرع قلت يابنت الناس لا يجيك تكفخ :icon33:
تحملي المهم دخلت فيه 3 حمامات تكرمون وحده فيه حرمه واختكم داعسه بتستكشف تشوف حمام يندخل
ظفيت عبايتي وجيت عند الحمام الاول اناظر:humm: قسم فلم رعب منقع دمان تكرمون ع الكرسي
وفيه اكياس زباله:11:وش السالفه قلت يمكن خربان الكرسي وطفح وع قسم يروع الحمام كله دم وكان مردود الباب جيت بافتحه جاني خوف ونفس الشي تقررررررررررررررررفت ويععععع
المهم واشوف الثاني:29: والله الحال من بعضوة قسم مايهيى
المهم اختكم فالله قلت مستحيل ادخل وارجع للسيارة حسبالي ابو الشباب فيها
ولين الاخ اهو الثاني نزل ادوره قلت ماعلي مستحيل ادخل بنتظر المهم وتجيكم سيارة شرطة وتوقف استغربت قعد يكلم الشرطي له ساعه طولت وانا واقفه قلت اقول خلي اشوف يمكن الحمام الثالث نظيف
وادخل ثاني الا الحرمه طلعت وادخل يعني اشوا الحمام يهون عن الباقي شكل الي قبلي الله يعافيها منظفته يوم توي قايله بسم الله الا تدخل حرمه اجنبيه قالت في احد بالحمام انا قلت اي طبعا الباب ماينصك قالت الشرطه بدهم يدخلو الا والله وتطقني ام الركب وش السالفه قسم بالله قعدت اتنافض حسيت ان الدعوه فيها شي المهم قضيت حاجتي واجيك طايره واطلع اغسل
يوم طلعت لين الشرطه موقفين عند الباب ومعهم ناس انا طاح قلبي وزوجي موقف مرتاع يحتريني شالسالفه
اثاري ان هالدم فيه شي خفتتتتتتتتتتتتتتتتت بسم الله قلت رحمة الله منعتني من فتح باب الحمام كان مسكوني متلبسه والا خفت قلت اشو مافتحته اخاف فيه منظر يخرع يمه ولين يومكم احس بقشعريره بجسمي
المختصر
السؤال فيني لقافه ابي اعرف وش السالفه قسسسسسسسسسسسسسسسم يا اهل الخبر علموني تكفون
وشي ثاني ياناااااااااااس تعلمو النظافه وارتقو حافظو على نظافه بلدكم
اسف ع الاطاله