خواتي اليوم ارتعت روعة الله لا يوريكم...بلييييز ادخلوا

كيكفم حبيباتي
اليوم وبالضبط قبل ساعة من الان
شفت الموت وانا حية
وربي يابنات حسيت اني خلاااااااااص انتهيت
انا ساكنة في بيت اهل زوجي ولي جناح غرفتين ودورة مياه فقط
فيعني الباب اللي يطلع للشارع نفسه باب بيت اهل زوجي
نزلت المطبخ ونزلت عيالي معي بنتي الكبيرة 4 سنوات وولدي سنة وستة شهور
طبعا انا حامل بنهاية الشهر الثامن
قالت خالتي اقلي بطاطس للصغار
وكان اخو زوجي ثاني متوسط بيطلع الشارع وقلت له ياولد سكر الباب اذا جيت راح افتح لك
والله اني عدتها عليه خمس مراااااااااات كني حاسه انه ماراح يسكره
طبعا طلعت ولدي وبنتي وخليتهم يقعدون مع خالتي و خوات زوجي
ودخلت المطبخ اقلي
يوم خلصت رحت اشوف عيالي وينهم والقى بنتي وعمتها الصغيرة معها
قلت وين اخوك
قالت ماشفته
وادخل اللا القى خالتي تكلم والعمة الكبيرة فوق بالبلاك بيري
وين الولد ماندري
واطييييير فوق ادوره ما لقيته
وانزل ركضضضض مالقيته
و اروح لباب الشارع الا القاه مفتووووووح:06:
وربي انهبلت يابنات قعدت اصاااااارخ اناديه
واطلع راسي وانا خااااايفة والتفت يمين وشمال الشارع فاااضي مافيه الا قطاو سود
تخيلت على انه انسرق
اكيد انسرق الولد
انهبلت قمت اصارخ و اركض فوق اجيب عبايتي وانزل ركض زي المهبولة
وادور في الشارع لين بعد عشر دقايق القى سيارة جيب مقربة عندي
الا القاه الله يخليه لعين ترجيه
راكب مع صديق ابوه
يابنات ربي راحمه محد سرقة ولا صدمة
والله اني يوم شفته مثل حسيت ان داخلي نيران تشتعل
قلبي يعورني
ومقهورة من اهل زوجي
ضمييييييييييته على قلبي ولين الحين كل شوي اناظره وهو نايم ياعمري
سنة ونص وش عرفه
لكني خايفة انه ياثر على الجنين لان المسلسل اللي صار اليوم موب سهل
بنات ادعو لي ان الله يحفظني وجنيني من كل شر

24 تعليق 4,981 مشاهدة

شاركي في النقاش

سجلي الدخول لإضافة تعليق.

التعليقات

24
  1. @fy_aayon_albshr_1

    ان شا الله مايأثر بس اتتي انتبهي لعيالك ولاتتكلين ع احد وخلي باب الشارع دايم نقفول والكل معه مفتاح الاطفال جريئين ودايمن يتعبثون

    والله يخلي لك عيالك ويحفظ عيالنا من كل شر
  2. الله يحفظ لك ذريتك
    اتذكر قد مره كتبتي موضوع عن ولدك ان مشاغب
    ياختي دايم ادعي له بالصلاح والهداية والتسخير
    ولدك سبحان الله مثل ولد اختي مايعرف معنى الخطر
    لو يشوف الباب مفتوح يروح ركض للشارع يخوووف وعادي عنده يصعد مرتفعات وينط
    ويقط حاله بمواقف صعبه مخيفه
    الله يصلحهم ذولي الصغار ويهديهم
    ويحفظ لك جنينك
    لاتخافي ان شاء الله مو مأثر على جنينك
    يمكن بعد النونو الجلو يعرف الغلط وينتبه من هو ببطنك هههههه
    ترى غالبا الاولاد اذا صارو مشاغبين وهم صغار وتعبو اهاليهم يصيرو حنوووونين لما يكبرو وتحصلي على منفعتهم
  3. @klby_dark

    صاحبة الموضوع
    ياعمري عليك
    اي والله انا اللي كنت كاتبه موضوع عن ولدي انه مشاغب
    وحركته كثييييييير بسم الله عليه
    لكن الضنا غالي
    وربي شفت الموت قدام عيوني
  4. @um_3zooz

    الله يخليه لك ويحفظه دايم استودعيه الله وبخصوص حملك ان شاءالله ماعليه خوف الله يهون عليك
  5. @almlak_alsghyr_2

    يا حبيبتي
    يوووو لو انا يمكن اتجنن وربي يا اني احب ولدي حب اصغر من ولدك بشهر وانا حامل بداية الثامن احسك نفس وضعي يااااربي احفظهم لنا فعلا احس ولدي مااااا يعرف ان ذا غلط وخطر اي شي يسويه اله يصلحهم والله يحفظلك اللي فبطنك وإياي وكل مسلمه ****الله مافيك الا العااااافيه والله يقومنا بالسلامه ياارب

تابعي تجارب أخرى من هذا القسم.