اخر إكتشاف : الشعر الخشن يؤثر على الحياة الزوجية

الله يفرج عليك

حبيباتي ايمو نونو وغنوجة الله يسعدكم اسعدني مروركم ومشكورين عالدعاوي الله ينولكم اللي في بالكم
اختي ايمو وشهي هذي زبدة الكاريتة ومن وين اجيبها في جدة اما بالنسبة للموية المعدنية والله كلامك صحيح لانه احنا في جدة نتروش بموية مالحة والله مانعدم شعري زيادة الا من يوم تزوجت وجيت جدة بسبة الموية المالحة وبالنسبة للكعكة يمكن ماتناسبني لانه شعري ماينشف من الموية بسرعة والله احيانا يقعد يومين مبلول وهذا الشي معقدني بعد فلو بسويه كعكة مارح يجف بسرعة
عموما الف شكرلك والله يسعدقلبك وينحفك

هلا وغلا اختي
كريم الهمالايا تلاقينه بالسوبر ماركت سعره 8 ريال
بس من وصفك شعرك صعب التعامل معه<<< سوي معه هدنه خخخخخخخخ
جربي مجموعه لوريال البرتقاليه للشعر الخشن والمجعد وان شاء الله تفيدك اما اسعارها معقوله الشامبو بحدود 10 والماسك 25 والبلسم 10 والسيروم 21 وعلى فكره السيروم روعه جربيه وادعيلي وبما ان شعرك من النوع الطاير بس ماتتروشي لاتخلينه كذا ادهنيه بشي بسيط كريم والله الطريقه روعه مع مرور الوقت تلاحظي شعرك لان شوي ونعم
سلااااااام واي استفسار اختي انا مستعده عيوني

اختي الحبيبه.. راح اقولك تجربتي مع شعري الجاف والمنتفشش

كنت متعقده منه وما اقدر افكه عند احد .. لكن صراحه هذي مو حاله اني دايما رابطته

قررت اني اعتني به ..

طريقتي ..

كل ما تروشت (بشكل يومي تقريبا) بشامبو وبلسم

احط بعد الحمام كريم صانسيلك الموف للشعر الناعم

لانه يملس الشعر ويهجده..وما اكون بخيله مررة ولا كريمه .. يعني وسط

وامشط شعري واشده على ورى واحطه ذيل مرفوووع واكده من تحت بعد ..

وانزل غره واحطها ورا اذني علشان تملح شوي ..

لحد ما يجف واخليه على هالمنوال

ويوم في الاسبوع (بالنسبه لي كل اربعاء)

اغسل شعري وانشفه شوي

و احط حمام زيت كولسترال (علبته بني فيه خطوط برتقاليه)

واملأ شعري منه .. والبس كاب (قبعه بلاستيكيه للشعر)

واحطه على شعري مده لا تقل عن 20 دقيقه (ثلث ساعه)

بعدين اغسله بشامبو وبلسم واحط كريم صانسيلك

وبعض الاحيان بدل حمام الزيت .. اذا صار عندي مناسبه ومعجزة استشور

اتروش بالشامبو والبلسم .. وانشف شعري .. بس ما امشطه .. اخليه على طبيعته

واخذ زيت بيبي اويل baby oil من جونسون ..

واحط في يدي وابدا وكأني اجعد شعري بس بالزيت

ولا اكثر في مقدمه الرأس علشان ما يطلع لمااع

احط في المقدمه بس على خفيف

اما تحت احط بس مو كثيير مررة .. وسط

وكأني اجعد وافرك كل الجهات ..

بعدين ارجع الشعر على ورى وارفع القسم العلوي من الشعر وامسكه بشباصه

واخلي الجزء الشفلي مفكوك .. راح يجف على شكله اللي شفتيه بدون انتفاش

ويطلع كأني بخيت عليه لماع الشعر ..

وأنا صابغه شعري فيحسبوني حاطه بخاخ صبغه ..

واذا رجعت البيت مشطته وربطته ونمت

وبكرة اغسله

اصير حصلت شيئين

اعتنيت بشعري بالزيت

وما اهلكته بالاستشوار ولا بالجل

وعلى فكرة .. الزيت ماله ريحه ابدااااااااااااااااااااااا

وبالتوفيق يالغاليه وبشريني

...اللي اعجبتها طريقتي لا تبخل بـ" ماشاء الله تبارك الله"...

على فكرة حمام زيت كولسترال اذا حطيتيه وتروشتي .. راح يسهل عليك عمليه الاستشوار


وفقك الله