مشكلتي مع أولادي // عنوان معدل لا يجوز تمني الموت

الله يعينك حبيبتي
حاسة فيكي ومايحس بالنار إلا رجل واطيها
مفروض زوجك يتدخل بالموضوع وتكون له كلمة قوية عليهم
خاصة لو كانوا أولاد
الله يعينك ويعينني

الله يصلحهم. شكلك تعصبين عليهم

عادي الصغار يختلفون بعضهم عنده طاقه زايده مايجلس ابد الله يصلحهم

بس ولو انتي حاولي تمسكين اعصابك قد ماتقدرين صدقيني مع الوقت بيصيرون هادين. انتي القدوه لاتصرخين وتخلين جو البيت دايما مشحون

ثانيا. من خلال كلامك احس انك تحطمينهم كيف تقولين مايفهمون الفهم بوادي وهم بوادي لايكون تقولين قدامهم انت ماتفهم انت شقي انت ماتسمع الكلام. ترى هالشيء يعزز الصفات السلبية فيهم ويخليهم فعلا مايسمعون ولايفهمون
بالعكس نمي الجانب الإيجابي وعززيه لو تطلبين من واحد يجيبلك مويه إذا جابلك قولي عفيه على ولدي اللي يساعد ماما ويسمع كلامها الله يخليك لي الله يحفظك ومن هالكلام طيريه بالعجه. لو فعل بسيط يسوونه امدحيهم وباذن الله بتشوفين أثره عليهم

ثالثا. لاجو ينامون علميهم يقرون أذكارهم لو المعوذات ع الأقل يوميا ضروري حتى يصير عادة مايتركونها أبدا.
بالبيت أول مايصحون شغلي القرآن بالبيت
سبحان الله القران يشرح صدورهم وبيصيرون هادين ان شاء الله

رابعا. الله يخليهم لك ويصلحهم وتذوقين برهم. صدقيني حلات الصغار بشقاوتهم وبتعرفين هالشيء إذا كبرو بكره فخليها ذكريات حلوة واستمتعي معهم حتى بشقاوتهم
خذي الحياة بسهاله تجي سهله

ياقلبي حركة الاولاد دائما زايده بس عليك بالصبر لانهم اذا الله راد حيكبرون ويتغيرون 100درجه اصبري واحتسبي صدقيني الله سبحانه مايضيع اجر الصابرين انا بعد عندي اولاد وثلاثه الله يحفظهم امين والله الكل يقولون اولادك شقاوتهم غير بس صابره واتمنى من الله لايحرمهم مني لانه مافي احد بيتحملهم مثلي حبيبتي عساك على القوه ويحفظ اولادي واولادك واولاد المسلمين

الله يعينك  والله حاسه فيك لدرجه احس باكتئاب شديد والله وضيقه صدر الله يوسع صدورنا ويعينا ع تربيتهم التربيه الصالحه

::
::








والله طبيعي وضعهم
لانهم على بعض وماخذوا كفايتهم من الحنان والتربية
الفرق بينهم مرة قليل !




نصيحة نظمي الحمل عندك





::
::