اتمنى تساعدوني

السلام عليكم 
اخواتي مشكلتي طويلة ومتفرعه واايد وصج احس اني احتاج لنصيحه استشاري فهالامور مب امي والا صديقتي 
انا مااقول زوجي كله عيوب بالعكس هو فيه وايد اشيا زينه ويحبني حتى لو حاول يبين العكس بس صار الحوار بينا معدوم او اقول اي شي المهم يرضيه علشان تمشي حياتي ومانتهاوش وبعد نختلف المشكله اني راضيه وهو الي مب عاجبه عقب ماغير كل شي فيني وفي طبعي واهتماماتي صرت مااعجبه ولا يعجبه ارجع نفس ماكنت 
هدفي اوصل معاه لمرحله ان حتى لو اختلفنا مانتحارب احنا مب اعداء ولاتقولون لي كلميه تعب ع قولته من الكلام ويعتبر تحليلي وتخطيطي تفلسف ومحاوله ابراز مهارات ودايما ينتقدني علشان يطلعني مقصرة مع اني بشهاده حتى هله الي علاقتي فيهم مضطربه اسوي الي ماتسويه بنت بعمري وادور رضاه بكل شي 


ماعرف وين ابدي وشاقول بس حياتي متلخبطه نتكلم يوم ومايكلنمني اسبوع ومب بس يزعل مايرضى الا لما يهيني او يهزأني او يسويلي حركه سخيفه مهما راضيته وطبعا مايكون في غلط الا سوء فهم وتسبب منه 

الي ابغيه منكم الي تقدر تساعدني او تحس انها عندها من الخبرة والحكمة مايمكن يساعدني تتواصل معاي وتسالني وانا بجاوبها بتفاصيل من البدايه علشان تقدر تفهم اكثر وتعرف تعطيني الحل المناسب