ايش رايكم في مكياجي ....اسويه ولا لأ....ساعدوووووني...

تسلمون يااخواتي مره فرحتوني
طيبه قلب
يعيني ايش مموه.....
وتسلمي ياقلبي على الرد....:)

مرحبا سااكي الصراحة مبين علية حلو ..وأذا أنتي مقتنعه فية توكلي على الله
وتوصلين السعودية بالسلامـــة

ياحليلك يا ساكي انتِ وقطوتكِ :)

مكياجك ناعم وحلو ...... بس برايي لوترسمين العين كلها بالازرق يطلع شي ... :)

وترجعين بالسلامة

هلا اخواتي ماقصرتوا....
وراح اتوكل واسويه...

مكياجج شكله ناعم أما بالنسبة للحواجب فآنا عندي طريقة دايماً أرتب فيها حواجبي وهي باستخدام قلم الكحل الأبيض إبري القلم بس لا يكون وايد مبوز و بعدين بالقلم غطي الشعر النافر وبها الطريقة تطلع حواجبج كأنها منظفة بالملقط، بعدين حطي الشدو الفاتح على عظمة الحاجب و على الشعر نفسه إلي مغطيته باللون الأبيض صدقيني ماراح يطلع شكل الشعر و كأنه مشيب(يمكن يخطر على بالج هالشي ) آنا دايما أسوي هالطريقة و كل ما تصير عندي مناسبة لما أسويها كل الناس على بالهم إني لاقطة حواجبي، مكياجج إذا إنتي مرتاحة له سويه و ممكن تحطين لون بني بس على كامل الجفن المتحرك و عند طية الجفن(المنطقة بين الجفن و الحاجب) تحطين تدرجين البني تخلطينة مع البيج أو مع النحاسي و بعدين الحاجب مثل ما قلت لج من قبل ، أما بالنسبة للكحل فحطية بشكل خفيف يدوبك تملين فيه الفراغات بين رموشك و تموهينه(تخففينه) بالفرشه إلي طرفها يكون حاد و نفس الشي تحت العين،هذا المكياج صدقيني وايد ناعم و لو إن مع الشرح و الكتابه يبين كإنه وايد، و آنا شايفة إن مكياجج حلو و أهم مافي الجمال إن تكونين واثقة و مرتاحة مع نفسج و بالتوفيق إن شاء الله :26: