عايشه في العصر الحجري
مرحبا حوائيات انا متزوجه من رجل ارمل وعنده 5 ابناء اكبرهم 18 سنه واصغرهم 3 ابتدائي ايسكنوا تحتي وانا عروسه من شهر ونصف وكل حياتي رابطها زوجي في اولاده مااخرج ولاادخل من اول اسبوع زواج الا معاهم كللله معاهم وانا قرفانه ابغا احس اني عروسه ولاوداني حتى جده ا تمشى عشان اولاده لحالهم وقال نروح بعد المدرسه معاهم وانا ماابغا معاهم ياناس طفشت معاملته مره مي كل شي ماهي طيبه معايا يسب ويلعن ومايبغاني ولايجلس معايا وانا مو مقصره معاه في كل شي كيف اتعامل معاه اشدوني تعبت منه والله وماينام معايا على السرير جيته بالطيب مانفع جيته بالقوه مشي معاه بس انا قلبي يوجعني ليه حياتي كدا كنت عند امي مايرودوا ليه طلب وعنده كل شي ممنوع كاني في العصر الجاهلي النت محرم والببي كفر ويع مايعرفوا النت ولا يعرفوا التكنولوجيا الحديثه وانا كنت عند اهلي غير حتى صغارنا عندهم بببي واي باد كيف اتعامل مع معاملته لي تكفون تعبت وكل شويه يقول باطلقك ومافي سبب عشان اولاده يدقوا الباب في اوقات مره ماهي مناسبه نكون على السرير مثلا بعد الغدا وقت الراحه العالم كلهم نايمين واولاده ينادوه على الباب زعل مني عشان قلت له علمهم لايدقوا في اوقات غير مناسبه تعبت ارشدوني يامتزوجات وكلمت اخته ولاكاني سويت شي طفشت تعبت ياليتني اموت وارتاح ..... امثل قدام اهلي اني مبسوطه مايدوا اني محروقه من داخلي ولاعايشه مرتاحه اصلا اف اعطوني حل