السلام عليكم ورحمة الله وبركاته
حيا الله الملكات الغوالي
الصفحات طايرة ما شاالله عليكم ...ههههه
ديروا بالكم من الحوادث الله يحفظكم
ترى حتى انا ام دميعة ، وردودكم الله
يجزاكم خير اثرت فيني كثيييير
النور نوركم يالحبايب ، وما عليكم زود
ياعسولات وهذا من طيبكم
لأني اشوف ان مشاركاتي عادية
وماتوصل مستوى مشاركاتكم الرائعة
آسفة تأخرت عليكم ياضحوكة بس النهار ما افضى فيه واذا فتحت اللاب افتحه عشان امي الله
يحفظها ويعافيها اسولف عليها منه واقولها الأخبار اذا فيه شي ، وافتح لها العروض حق السوبرماركتات
ههههههه ، هذا غرامها ، مع انه جنبهم هايبر بندة ، بس تحب تشوف الباقين عشان تقارن الاسعار ههههه ،
سوسو مبروك حفظ سورة الكهف تقبل الله منك ورفع درجتك في الجنة ، وابشرك حتى انا حفظتها كلها بفضل من ربي ،
ننتظر باقي الحبايب يكملونها وبعدين نبدا سورة جديدة ان شاالله ،
والحديث ان شاالله نستمر فيه ..وآخر حديث وصلناه ان شاالله تسميعه الاثنين الجاي
عطيات : اثاري الصورة حق بعض الناس وانا حطيتها لي هههههه ، وانا اقول ليش عطوني واحد سالب هههههه
الحين اقولكم بالنسبة لوضعي : شكله راح يستمر الى اجل غير مسمى الا ان يشاء الله امرا كان مقضيا ، قبل كم يوم اتصل علي وقال اذا احب اروح البيت ليلة واحدة ومن بكرة نطلع نتغدى وبعدين يرجعني لأهلي ، بس انا رفضت وقلت له ما ودي اروح للبيت اذا كان الأمر ما راح يتغير فيه شي ، واذا ارجع بارجع بشروطي ، وانا ماعندي شروط كبيرة كل اللي ابيه حقوقي وبس وما يفرق بيني وبينها لأنها عندها عيال وانا ما عندي ، بس هو سكت وما راح يسوي اللي ابيه ، فقلت له خلاص انا راح استمر عند اهلي وما اراح ارجع ، وسألني اذا فيه اغراض احتاجها من البيت ( اغراض كبيرة ) عشان يجيب سيارة ويوصلهم لنا , وحددت له اللي ابيه وجابه الليلة ،
الحمدلله الأمر بيننا ما فيه عداوة ولا كره ،
يعني العلاقات ودية هههههه ، واعتقد هو متوهق بس ما يقدر يسوي شي ،
وانا صراحة قلبي صار مافيه احساس ناحيته
فما افكر فيه ولا بالبيت ، الحمدلله هذا من فضل ربي الله مبرد قلبي ومطمني ،
وانا كنت خايفة على امي وتأثير الأمر عليها لأنها يابعد عمري ضغط وسكر بس هي يوم شافتني مرتاحة ومو مهتمة ارتاحت واطمأنت مع انها لحد الآن تتمنى اني أليّن راسي اليابس وارجع له ، بس يوم شافتني مصممة وعندهم اريح لي خلتني على راحتي .
لكل زوجة أولى. بكل الحب والوفاء هنا نلتقي مرة أخرى
متابعة النقاش، صفحة 342
