شعر عنابي غامق رائع ......

تسلمين اختي شمس بدر علي هذا التوضح

الله يجزاك الف خير

اختى شمس بدر هل الاعشاب الى ذكرتى مجربة لانى اناجربتها لشعر الابيض وما نفعت ................والشعر الاسودهل توثر فية :24: ردى على جزاكى اللة خير................:26:

السلاااااااااااااااااام عليكم
تسلمون خواتي على هذا الموضوع الرائع
بس حبيت اسأل شمس بدر عن قشور الباذنجان تكون ناشفة ولا عادية
وتسلمون

عزيزتي دلوعة زوجها هو قال لي أول فوه وبعدين قال يسمونها بعد دم الغزال وهي بودره بس فيها خشونه شوي ومثل الاعواد صغيره ..وشعرك نفس طريقتي كنت أصبغ دائمآ مافيه صبغه تنزل علي طول أصبغها لين أندمر شعري وبعدين بديت أعتني فيه حناء وزيوت والحين ما شأالله روعه طول وكثر ولون ...<مادح نفسه يبيله رفسه> ونصيحتي لا تصبغين ..
#جوري# هلا والله أحنا في الخدمه ومنكم نستفيد ...
شمس بدر شكرآ علي المعلومات القيمه ..
الوان الطيف شكرآ لك مرورك ونبي تجاربك ..
آهات الايام نصيحه من الشعر الابيض ما ينفع فيه غير الصبغه ..
الجورية الحزينة الباذنجان علي ما أعتقد يكون عادي وسمعت بعد انه يغلي قبل وما أدري أنشالله ترد عليك شمس بدر ..ونبي تجاربك عزيزتي علشان الكل يستفيد ...

هلا بالكل

ألوان الطيف:>>>>> الله يجزاج خير
آهات الايام :>>>>> كل الاعشاب جربتها وحتي احط اكثر من عشبه مثل الفوة + الكركديه + دم الغزال علشان يطلع اللون احمر .. بالنسبه لشعري يبين اللون الاحمر .. بس لما استخدم الاعشاب حق اللون الاصفر ما يطلع واضح ويصير عادي .. حسب نوعية الشعر ومدي تلونه بسرعه .. بعد هم يبي له استمراريه وتركزين يا احمر يا اصفر والله يجزاكي خير - فيه بالمنتدي كذا موضوع لاسوداد الشعر سوي بحث وتحصلين وفيه موضوع كتبته عضوه عن المرمية والياس يسود الشعر يضاف مع الحنه

الجورية الحزينه : >>>> طريقتي هي اعجن الحنا واخذ الباذنجان واقشرة بالطول واخذ قشوره فقط (القشر الخارجي) واغمسه واحطه داخل الحنا .. من الليل حتي الصبح .. لما ابي احط الحنا علي شعري اشيل قشور الباذنجان واقطها بالزباله (عزج الله) وراح تلاحظين لون القشور صارت بيضه او لونها مشفوط لانه الحنه اشربت اللون .. بس فيه بنات يغلون القشور بالماي ويعجنون فيها الحنا وبصراحه ما جربت هالشي.

المتوحشة تسلمين ما تقصرين

ودمتم سالمين