حياة اسريه سعيده

بسم الله الرحمن الرحيم
كنت دايم ادخل هالقسم وانا مبسوطه ومتشوقه للمواضيع الجديده الحين صار لي اكثر من سنتين اخاااااااف ادخل هالقسم ليش صااااااارت المواضيع كلها شكاااوي ومصايب بصراحه ياثر في نفسيتنا يعني مثلا الحين فيه مشكله بيني وبين زوجي ودخلت هالقسم متفائله اني القى حل اجي القى اغلب المواضيع اصلا نفس مشاكلي واردى كذا مايصير عندنا اي رغبه للاصلاح انا اقترح ومجرد اقتراح يعني لو يصير قسم حياة اسريه جزئين قسم حياة اسريه سعيده تنحط فيها كل المواضيع الحلوة والهادفه لعمار البيوت واصلاحها وقسم للشكاوي والفضفضه ما الوم اللي عندها مشاكل والله يساعدهم يارب ويعينهم ويفرج مصائبهم بس حلو لو كان للشكوى قسم لحاله

8 تعليق 847 مشاهدة

شاركي في النقاش

سجلي الدخول لإضافة تعليق.

التعليقات

7
  1. كوثر
    والله لو يسوونه قسمين ماأحد داخل قسم المشاكل نهائياً
    واولهم أنا
    بقولك على حاجة ترى كلامك صحيح إنه بعض احيان القسم يجيب الهم والغم بس أنا عرفت السبب
    حبيبتي
    لو كنتي مكبوته ومقهورة إختاري القسم الصحيح لحالتك وهو قسم الترفيه وتكفون تقولكم بنتي لا تدخلون ونتم في هذي الحالة قسم ملتقى الفتيات تخربون امه بعدين

    المهم
    ولو كنتي طفشااااانه وفاضيه هذاك اليوم وتقلبين وجهك ماتدرين وش تسوين
    نصيحة إدخلي مطبخ حواء والله يضيع وقتك ونتي ترصصين في هالطبخات وتقولين لنفسك والله إني هبله ضيعت فلوسي على كتب الطبخ وهذا القسم عندي فيني عنه من زمان والله ماعد انا خارجة منه وفعلاً صدقيني مابيخرجك منه غير مؤشر الميزان اللي راح يتعدى الوزن المطلوب وراح تشيلين شلايلك منه
    وتقولين ياااااويلي أنا إش دخلني هنا

    وإذا كنتي راااااايقة وفااااايقة ومستوى المرونه النفسيه عندك عال العال تعاااااااالي هنا في قسمي المفضل حياك الله
    القسم اللي يسمونه قسم النفسيات (قسم حياااااااااااااااااااااااااااة أسرية سعيــــــــــــــــــــــــــــــــــــــــــــــــدة)

    وعندك المنتداء عدي وغلطي في اقسامه ما شاءالله تبارك الله اللهم زيد من اقسامه وباااارك
    تقدرين تسوين فيه فركت كعب في كل قسم نطي شويه

    واللـــــــــــــــــــــــــــــــــــــه معـــــــــــــــــــــــــــــــاك
  2. @kothr2000

    صاحبة الموضوع
    اشكر مروركم اخواتي وتفاعلكم مع الموضوع بس فكرتي اني لمن ادخل لها القسم اكون متحمسه لرفع المعنويات والتجديد من الروتين في الحياة الزوجيه وعشان القى مواضيع حلوة زي كذا لازم ادور على كل الصفحات وطبعا مرورا بمآسي بعض الاخوات الله يسخر لهم كل خير يارب مع اني ما ادخل المواضيع اللي زي كذا بس تكفي العناوين
  3. @mash_bhr

    ايفونيه333
    مع ام رانيه
    والله صحيح القسم هذا صار كأنه عدواء صرت أخاف ادخله

    تجيني المشاكل

    انا قررت اروح لقسم الايمان والطبخ والتأثيث والترفيه

    أريح من هالمشاكل الي ماتنتهي

    صح ان فيه تجارب نستفيد منها بس كثرت المساس تميت الإحساس

تابعي تجارب أخرى من هذا القسم.