السلام عليكم ورحمة الله وبركاته
حبيباتي الحوائيات
انا في حيرة مرررررة
لان المشكلة لبنت خالتي
وبصراحة انا ما عرفت اشور عليها
فحبيت اني اشاوركم يمكن تلاقي اراء سديدة
رح اكتبلكم الموضوع على لسانها وانتوا احكموا
وطبعا انا رح اوريها ردودكم عشان تقدر تتصرف
هيا عمرها تقريبا 28 سنة وزوجها اتوقع انو في الثلاثينات
؛
؛
؛
انا اتزوجت من 5 سنوات
زوجي ما يعطيني حقي الشرعي ××× الا ناااادرا
وعنده سرعة ×××
انا في اول سنة معاه كنت استحي ا××××
وبالنسبة ××××
المهم مرت الايام وجبت ولدي الاول اللي حملت فيه بعد 3 سنوات من الزوج وبعد ما اخذت منشطات
تمر بيننا شهوووور ولا يلمسني ولا يفكر يقربني
لدرجة اني بعد ما جبت ولدي قعد 3 شهور ما لمسني والمرة ××× بعد الـ3 شهور حملت ببنتي
حتى انا استغررررررربت اني حملت ××× وجبت بنتي التانية وولدي توه مخلص السنة
وفي فترة حملي ببنتي قعد 6 شهووور ما لمسني
حااااولت ××××
بس اول ما يشوفني لابسة ومتعنية له يصير يتعذررر لي ويقول ترى انا ما فيا حيل ترى ورايا شغل بكرة
لدرجة اني حسيت بالاهانة وبطلت ××× من جهتي
حاولت معاه بكل الطرق انو يتعالج من سرعة ××× سواء بالاعشاب او بالمقويات
بعد ما نشتري العلاج يترمي في الدرج ولا يستخدمه
انا حكيتلكم اساس المشكلة
ودحين رح اقول لكم على ظروفي
امي اتوفت قبل ما اتزوج بسنة
وابويا الله يرحمه اتوفى بعد ما اتزوجت بكم شهر
قبل ما تزوج كنا ساكنين في رباط
عندي 3 اخوان اولاد واخت
اختي متزوجة من زمان وعندها عيال ماشالله
واخواني اصغر مني كلهم
واكبر واحد فيهم اتزوج قبل شهر وسكن عند جدتي في بيت 3 غرف
واخواني التانيين قاعدين في الرباط المكون من غرفتين وصالة
وعندي خالي وخالتي ساكنين في نفس المنطقة
المهم
هذه ظروفي عشان تقدروا تحكموا
دحين رح اديكم نبذة عن زوجي
زوجي اجتماعيا نااااجح والكل يمدح فيه
لما يجوني اخواني يكرمهم ويكرم اهلي والكل يشوفه انو طيب
معايا طيب ويصرف عليا وكل شئ
بس لو صارت مشكلة لو بسييييييييييييطة احسه ينقلب انسان خبيث خبيث
لما نجي نتناقش على موضوع الحق الشرعي يصير هوا اللي زعلان ولا يبغى يتكلم وماااا احس انو يحاول يرضيني في دا الشئ ولا حتى بالكلام
عموما حكاية الجنس انا صابرة عليها من يوم ما اتزوجنا
بس اللي قاهرني انو هذه الشهرين صار يرفع صوته بشكل مخيف
واخر مرة مد يده عليا
والسئ في زوجي انو يتبع اسلوب ( خذوهم بالصوت لا يغلبونا)
وهوا عارف انو لو زعلنا على نفس الموضوع ولو صارت مشكلة ما حقدر اتكلم في الموضوع لاني رح استحي
يصير يجيب مواضيع تااااااااانية برا الموضوع
هيا ما تطبخ
هيا قرفتني في عيشتني
والطرف التاني سواء كان اخويا او غيره راح يشوف انو الحق معاه تماااامااا خصوصا انو هوا طيب معاهم والبيوت اسرااار
زوجي له كم شهر ما ينام في الغرفة نهائي بحجة البزورة
وراح اذكرلكم موقف صار يمكن يفيدكم في تحليل شخصيته
اخر شقة نقلنا لها كانت عن طريق واحد يعرف اهله رجال كبير وهوا اللي دله ع الشقة
فذاك اليوم اكتشفت انو زوجي بعد ما صار بينه وبين ولدهم تتش راح اشتكاه في الشرطة بتهمة انو يعاكسني وهوا الولد ما عاكسني ولا شئ
ودحين الناس دول انطردوا من العمارة بعد ما سكنوا فيها 25 سنة ولا احد اشتكاهم
الحرمة نزلت عندي بنفسها وورتني البلاغ وقعدت تتحسب على زوجي وانو افترى عليهم
انا يا بنات مو قاهرني غير مدة اليد ورفعة الصوووت
فوق ماهو غلطان يهينني
عموما انا امس بعد ما خرج دخلت الغرفة اللي ينام فيها واتفاجأت بعد ما شفت شنطة سفر جديدة
خفت ايش رح يخبيلي زوجي من حركات خبيثة
ممكن يسوي نفسه قرفان مني واني هججته من البيت؟؟؟
يا بنات كيف اتصرف؟؟؟
ايش اسوي؟؟؟
احيانا افكر بالانفصال ،،،، مع اني لو فكرت فيها ابغى اخلعه ما ابغاه حتى يطلقني
شوروا علي الله يخليييييكم
وكل وحدة تحلل الموضوع
انا ما كتبت كل هذه التفاصيل الا عشان تتعايشوا مع الموضوع وتتخيلوه
استنى ردودكم
شاركي في النقاش
سجلي الدخول لإضافة تعليق.
التعليقات
30- الله يعينها ويكتب لها الخير
- يعني واضح زوجك عنه ضعف ولمن تكلميه اكيد بيعصب لانه هذا الشي يمس برجولته بالنسبه لاي رجل
تبغيه يقولك مثلا اسف سامحيني عندي ضعف
اكيد بيخترع اسباب عشان ينتقم لانه جرحته
انتي اذاا تحسي انك ماتقدري تتحملي الوضع اطلقي منه والله يرزقك بغيره
لبنت خالتك الكلام - ..الله يعينها ويسسساعدهااا ويفرج همها يارب
- كل الرجال الموضوع هذا حساس بالنسبه لهم....واتوقع اظطراباته النفسيه كلها بسبب الموضوع هذا....الله يعينها تصبر عشان اطفالها خاصه اذا ماكان عندها مكان تروح له...ولاعاد تناقشه في هالموضوع خليها تستعيض بالله خير..
- الرجال يحس بالاهانه بخصوص هذا الشي...........واحسه مريض نفسي وموسوس
حاولي معه محاوله اخيره ولاتجيبي له سيرة الجنس وخليه يثق بنفسه اكثر""""واذا مافيه تحسن تطلقي
مواضيع مشابهة
تابعي تجارب أخرى من هذا القسم.