سلام عليكم
موضوعك جميل وفي الصميم بس تعرفي وين المشكله
الاعلام خرب سمعتنا لدرجه جميع الدول لا توافق علي العمل في السعوديه
بخصوص توسيع دول الاستقدام
الدول نفسها رافضه مو من عندنا الرفض اختي مقدمه علي نيباليه تاجي عن طريق الهند يعني تهريب
ونيبال حذرت الهند من تسفير عماله الي السعوديه يعني مو من عندنا
ثاني شى سيريلانكا هم نفسهم رافضن يجون السعوديه عشان كذا غليت الاسعار يبون يغرونهم
كنت ابغي اقدم من سريلانكا وراح واحد معرفه عشان يجيب لنا يقول مو راضيات الشغالات نفسهم
اذا قالهم السعوديه يقولون لا لا سعوديه لا
المفروض نظر في معاملاتنا لهم قبل ما نطالب بفتح خيارات استقدام
انا ما اقول تدلع الخادمه او نلبسها بنطلون او نعطيها جوال لا
انا اتكم عن المعامله النفسيه
نعطيهم شغل فوق طاقتهم واغلب البيوت السعوديه ما يعطونها فتره راحه تقوم من
6 الصباح وتنام علي 11 الليل وهذا تعب عليم غير دلع البنات والعيال عندنا والام تترك كل العمل على الخادمه
اولادنا حتي الماء يطلبونه منها لا تجي وحده وتقول مو الكل
اكثر البيوت كذا
تلقيت في البيت 3 بنات وامهم وكل شي علي الخادمه
لازم ننظر لتعاملنا معاهم والرحمه بهم
لازم لهم فتره راحه في اليوم وموكل الشغل عليها ويتقسم الشغل علي المدام وعليها
والطبخ والاولاد علي الام
والله الاجرام والبلاوي الي يحطونها لنا في الاكل من تعاملنا معاهم
وتلقين الام جايبه لها جوال وملبستها بنطلون وتخليها تجتمع وتتكلم مع الشغالات وتقول انا مدلعتها وليه سوت وليه حطت
سوت كذا من ضغط العمل مو لانها تلبس جلبيه او لانها ماعندها جوال
معليش طولت عليكم بس خلونا نتناقش في المشكله الرئيسيه
سمعتنا خايسه بالعربي فى جميع الدول وكلها رافضه ترسل عماله
وانا قاريه الكلام من اكثر من مصدر وغير التجربه الشخصيه
وشكرا
افتحوا باب الاستقدام من عدة دول لا تجعلوها حكرا علي دول معينه
متابعة النقاش، صفحة 66