ياناس اخوي قاطعنا من تسع سنوات .....

روووحي زوريه انتي واخواتك وجيبو له هديه واعزموه عندكم ترى خيركما اللي يبدا بالسلام
الله يكون بعونك وان رفض ذكري زوجة اخوك بالله وصله الرحم تسع سنوات قادره تقسي القلوب انا مدري كيف صبرتوا
الله يسر لك ويسهل الامور بينكم

ياأختي انا زوجي قاطعاً امه وخواته وحنا في نفس البيت بشقه فوق 
هم يتوقعون اني انا السبب لاوالله ويشهد علي الله انه مو انا ولدهم مدمن ومريض نفسي ماهو جتماعي بس جالس بالغرفه للحاله مايطلع 
قلت لام زوجي انه مايطلع من الغرفه بس ماقلت لها انه مدمن بستر عليه لعل الله يستر علي وعلى عيالي امه ماصدقتني تحسبني اكذب عليها 
وانا ادري انهم يدعون علي وعلى عيالي 
بس ان شاااء الله ربي حبيبي شايف حالي وحاله مايستجيب دعواتهم علي 



حبيت اقولك اختي مو سبب قطاعه اخوك مرته لا والله يمكن مصبره على شي ماتدرون عنه 


اللهم يامفرج الهم فرج همي وهم اخواتي المسلمات اللي ماحد يدري عن حالهن الا انت 

ترى سكوتك ما بيستر عليه ولا بتاخذين من وراه شي غير الدمار لك ولعيالك
بلغي اهله بحالته عشان يتصرفون ويعالجون ولدهم ويشوفون له حل اذا كنتي تحبينه وتحبين عيالك
اما السكوت عشان استر عليه هذا موت بطي له ودمار له ولعيالك بيشوفون ابوهم بهالحال الردي يوم ورا الثاني وش تتوقعين وهو قدوتهم بكره ياخذون طريقه ويمشون ممشاه لاتقولين لا هذا الي بيصير مثل ماصار لكثير
بالعكس روحي لامه وعلميها وقولي لها كل شي عشان تتفقون على علاجه بيدعون لك ويذكرون جميلك وحتى هو اذا تشافى بيقول الله يجزاك خير طلعتينن من مرض وشر اما السكوت وش تتوقعين نهايته !! مصيره ينكشف ويطلعون له امه واهله يشوفونه بهالحال الردي وش بيقولون اول شي بيقولون حسبي الله عليها ساكته ولا علمتنا وخلت ولدنا يوصل لحال تتوقعين بيقول جزاها الله خير سترته وهو مدمن ومريض وجالس يتدمر ويموت

لاحول ولا قوة الا بالله
شي يضيق الصدر