شاركي في النقاش

سجلي الدخول لإضافة تعليق.

التعليقات

2,014
  1. @alaaamryh

    أم لولوة 2012
    اسمه additiva magnesium 150mg

    اللهم لك الحمد على كل حال
    الحمدلله نظل افضل من غيرنا بكثير
    انا ماعالجت الا الاسبوع الماضي
    واتعرض للشمس
    وزي ماقلت لكم سابقا
    شي انهدم بسنين ماراح يرجع بيوم

    :44:
    ماتصدقين قد ايش اثرت فيني هالكلمه
    ولايعرف قدر هاللي قلتي الا اللي كان مثال لها وفقدها
    واللي يزيد المشكله انك تفقد حيويتك ولاتدري وش فيك
    والدكاتره يزيدونك الم
    اللي يصر عليك بالعلاج النفسي وان مالك حل غيره
    واللي يقولك لايمكن فيتامين د يسبب كل هذا
    مع انك تكتشفين في النهايه وبمجهودك الشخصي
    انه يسوي اقوى من كذا
    لمعلوميتكم الناس اللي يجيهم امراض صعبه ويسافرون برا للعلاج
    اول تحليل ياخذونه لهم نقص هالفيتامين
    شفتو قد ايش الاطباء عندنا جهله وخانو الامانه!

    الاعراض باختصار
    انسرق مني حياتي فجاه
    ماعدت انا
    ولاادري وش فيني
    ضيقه بدون سبب
    خمول وكان العافيه والحيويه انسحبت من جسمك
    وحل محلها معدن ثقيل ماتقدرين تتحركين
    ودك تشتغلين وتسوين وتحطين
    تسوين حاجه ترجعين منهاره كانك مشتغله يوم كامل
    مالك خلق طلعه ولالك خلق احد يجيك
    عقب الابداع بالاطباق والطبخ
    صارو عيالي يجون مايلقون اكل ولاطبخ
    مالي نفس وبس منفعله ومتوتره
    وختمها الارق اللي استمر شهر
    مافي نوم الا دقايق واقوم كاني نايمه سنه
    كل من شاف كلامي
    واستفاد منه
    اطلبه يدعي لي بالفرج
    وعسى ربي يفرج لنا كلنا عاجلا غير اجل
    حتى زوجك وبيتك تنفرين منهم سبحان الله
    يمكن ربي يبي يورينا مدى ضعفنا وحاجتنا اليه
    لاننا مقصرين وغافلين
    نقص فيتامين واحد يسبب كل هالامور
    وماانسى يابنات اوصيكم
    بالرقيه الشرعيه والصدقه
    طول مانتي طايحه ومكتئبه ماحد داري عنك
    الزوج ينفر والاولاد ضاعو
    والاقارب يقولون موسوسه
    ماحد داري عنك الا ربك ثم نفسك
    اجتهدي تشيلي نفسك من هالقاع المظلم
    استعينو بالله وطلعو انفسكم
    باختصار ماحد بيسال عنك
    وماحد بياخذ بيدك الا الله
    رجاء لاتضيعون احلى سنين عمركم
    الله يشفيني وياكم
  2. @msakm_mtr

    ام شادي الحلوه انا اكتشفته تقريبا من سنه وسته شهور بس عطوني جرعات معينه بدايه المرض وبعدين تركته ماكان عندي معلومات كافيه عنه وتركته تقريبا ٨ شهور وبعد ولادتي اخذته لي الان عليه ٩ شهور واناالحمدالله فيه اشيا كثير خفت ماشالله تبارك الله لكن الي مو راضي يروح الاكتيئاب يروح ويرجع والسعاده مدري الوناسه والله مدري وش اوصفه به بس ماحس اني زي قبل وبعد قله الحيل مالي حيل اسوي شي مو زي قبل بس للحين فيني وللامانه ان ماتعرض للشمس ماافضي الا الظهر وتكون الشمس حاره مااقدر اطلع فيها بنات متى تتعرضون للشمس
  3. @nor_169

    مساكم مطر
    ام شادي الحلوه انا اكتشفته تقريبا من سنه وسته شهور بس عطوني جرعات معينه بدايه المرض وبعدين تركته ماكان عندي معلومات كافيه عنه وتركته تقريبا ٨ شهور وبعد ولادتي اخذته لي الان عليه ٩ شهور واناالحمدالله فيه اشيا كثير خفت ماشالله تبارك الله لكن…
    أنا مثلك الحمدلله مع العلاج خفت اعراض كثيرة دوخة وعدم توازن ووو ماشاء الله تبارك الله
    لكن لو تركته يوم ترجع الاعراض زي ماهي مدري ليه

    لكن الأكتئاب والحزن والوسوسة هذي سواء بعلاج ولابدون علاج ماراحت مني

تابعي تجارب أخرى من هذا القسم.