وش تطبخين في رمضان

<<<<<<<

أنا احب الخفايف مرة يعني اعمل من كل نوع طبق واحد مختلف (( ثلاث اطباق فقط ))
الطبق الاول //معجنات او سمبوسة باللحم او سمبوسة وتكون جاهزة مسبقا في الفريزر او بيتزا (( طبق واحد فقط))
الطبق الثاني//شوربة شوفان او شوربة خضار او صواني او أومليت البطاطس او بيض سبايسي راح تلاقينه في موضوعي صباح جميل كوني مختلفة في تقديم فطورك او فول.. (( طبق واحد فقط )) والصواني هذي أنواعها (( صينية مكرونة بيتزا او مكرونة اللبن او مكرونة البيتزا او صينية منتو كذاب..
الطبق الثالث يكون عادة حلويات رمضان طبق واحد فقط ( كنافة/ بسبوسة / قطايف / لقيمات الموز/ أصابع الجبن ويكون جاهز مسبقا في الفريزر/

ومثل منتي شايفة ما يحتاج وقت لانها كلها بسيطة وما تأخذ جهد واذا بقي شي زايد من الصواني ما اعمل ولا شي ثاني يوم غير حلى واحد وحاجة وحدة من المعجنات او سمبوسة جاهزة مسبقا بس اقليها والحمد لله كله يتاكل وما ينرمي شي ويشبع

وبالنسبة السحورعادة فيه أشياء بسيطة مثلا دجاج في الفرن تكوني متبلته في العصر ودخليه الثلاجة وعند السحور بس خرجيه ودخليه الفرن وكذالك السمك في الفرن واذا كنت احتاج اعمل كبسة ا اكون مجهزة الكشنة من العصر يصير وقت السحور بس اعمل الرز واذا احتاج اعمل ايدامات اجهزها كذالك من العصر يصير وقت السحور بس اسكنها وأكون نظيفة ومستحمية وموفرة وقت وجهد والحمد لله رب العالمين
اتمني اننا افدناك ولو بشي بسيط يعطيك العافية يارب