كنت مبسوطه ونكدت علي بكلمه ... الله يسامحها

السلآم عليكم

بدخل بالموضوع على طول
أمس كنت معزومه على حفله لوحده من صاحباتي
وكنت متحمسه ومبسوطه اانتظر متى يجي وقتهاا
ورحت للحفله انا ثاني وحده جيت على الموعد بس البنات تأخرو
جت صاحبتي ورحبت فيني ودخلتني المجلس وراحت وكان بالمجلس وحده من البنات وسلمت عليها واسولف معها
شوي الا البنت تقولي يا فلانه ليش ما تعالجين عينك ! صعبه تقابلين البنات كذا وهم كشخه !و كملت كلامها
أنا عيني فيها حمار واااضح ورحت للأطباء ما استفدت شي وهالشي معي من زماااااان وهي تعرفني من سنوات يعني ما استغربت مو اول مره تشوفني !
وهي بكلمتها هذي نكدت علي قسم بالله اني طول الحفله متضايقه
انا كنت مبسوطه ليش هي تجي وتنكد علي بالله مو حرام ؟

طبعا هالموقف عدا بس أنا كتبت موضوعي عشان البنات ينتبهون على كلامهم
لآن بكلمه منك يمكن تدخلين الفرح في قلب أختك المسلمه وتؤجرين وبكلمه ممكن تضايقينها وتنكدين عليها

وديننا يوصينا بادخال الفرح والسرور بقلوب اخواتنا
يعني البنت ايش بتخسر لو قالت كلمه حلوه أو حتى سكتت !!!
انا ما بدعي عليها بس ما تخاف ان الله يرحمني ويبتليها!!

اكيد بتقولون انها تنصحني واحسني الظن ..
بس اسلوبها ابد ما كان تصيحه بالعكس

ما اقول الا الله يسامحهاا
نكدت علي اليوم الي انتظره من اسابيع



ياحلوات انا مو حساسه تعدي مواقف ولا تهمني
انا ما زعلت الا لآني عارفه البنت واعرف نيتها وقصدها ومعرفتي بها سنوات !

الشي الثاني أسلوبها أبدا ما كان اسلوب وحده تنصح
هي بس من باب السوالف مثل ما قالت دره مادرت ان بكلمتها هذي ضايقتني


والي أحب اوضحه
سبب كتابتي للموضوع عشان انبه البنات مثل ما قلت لكم الموقف صار وانتهينا منه
بس من باب التنبيه وعشان ما تتأثر علاقتكم مع صاحباتكم اخواتكم ... بسبب كلمه قلتيها وما القيتي لها بال

فأتمنى ما يكون قراتكم للموضوع وتعليقكم على الموقف فقط...

اتمنى تكون الفكره وصلت

:26:

42 تعليق 4,745 مشاهدة

شاركي في النقاش

سجلي الدخول لإضافة تعليق.

التعليقات

40
  1. @dr_11

    روقي حبيبتي مافيه شيء يستاهل

    واضح ان البنت ماقصدها شيء. بس من باب السوالف

    انتي حساسه حبتين. مشي يابنت الحلال لاتوقفين على كل كلمة
  2. انا ما اشوف كلمتها فيها حاجة
    هي قالت لك من باب الاهتمام و النصيحة ما اشوف انها جرحتكي
    هي مو هاين عليها تشوف البنات احسن منك
    بس انتي شكلك مرة حساسة عشان كذا تضايقتي
  3. @om_dinaoooy

    حبيبتي معك حق يوم تضايقتي اسلوبها صفر .!!
    وش دخلها تقول هالكلام انتي ماشكيتي لها
    فيه ناس مايتعلمون آبدآ
    بحياتهم وتمشي وتجرح ولاتتآدب بس الدنيا دوارهه يجي اليوم اللي يجي من يجرحهم
  4. @shfth_bfrh

    هي يمكن جابتهاكنصيحة
    لا تتضايقين
    وترى كثير ناس يجيبون النصيحة لما يكثر الكلام عن هالشئ
    مثلا تخيلي كم وحدة يستفسرون عن عينك في غيابك
    فهي حبت لك الخير وقالت تنصحك احسن

تابعي تجارب أخرى من هذا القسم.