التكشيرات برجال الناس ههههههههه جيبوا مواقفكم معكم

لاعادانا لماكنت بثاني ثانوي في رمضان وكان الفطور عند جرانا وانا كنت رايحة لبنت اخو وهي كبري بستعجلها عشان نروح جتها وهي ماجهزت قلت بروح اشوف امي ورجعلك وجيك طايرة طايرة إلا خالهاجاي من قسم الرجال وانامتجه لقسم الرجال طايرة لاني بحظنة عاد هوجثة واناجسمي صغير وطالع فيه ويطالع هو وانااديور لغرفت بنت اخوي واقول بفشلة خميت خالك خميت خالك وهي وشلون خميتية قلت خميتة ماتفهمين يافشلتي مانسى هالموقف ابد

مالي مواقف الحمدلله

هههههه
مواقفك رهيبه
انا صار لي موقف مره دقو علي اخواتي وقالو لي بنجيك العصر واناعاد اقوم ع البيت وانظف المطبخ والحمامات واسوي حلى وابخر البيت واجهز كل شي واتلبس واللذي منه المهم دق الباب واروح افتح الباب ع كبره والاقي قدامي رجال ماشفت منه غير رجوله واصيح ذيك الصيحه وارقع الباب بوجهه ولليوم هذا ماعرفت من هذا الرجال
ومره كنا نتغدى انا وزوجي ودق الجرس وفتح زوجي الباب وماني مفتكره مين كان عندالباب المهم جاني زوجي وقال لي ابروح مع الرجال شوي وراجع قمت قلت له جيب لي معاك ببسي قال لي طيب اول مره يقول لي طيب ع طول دايم يهاوش ع الببسي يقول لي ممنوع عشاني كنت حامل وشوي ويدق الجرس واروح افتح الباب واقول مسرع جيت ماشاء الله وماجبت لي ببسي والرجال واقف محله ما تحرك واطالع والا اللي قدامي مو زوجي ولد خالي ونفس الحركه اللي اول رقعت الباب بوجهه والمصيبه ثوبه نفس ثوب زوجي وحتى نفس اللون تقال انهم خيطو عند خياط واحد وحرمت من يومها ما افتح الباب الين اقول ميييييييين ....

ياكثر المواقف المحرجه بعض منها ودي انساها
مره كان بيجونا ظيوف وما عندي شغاله وقعدت من الظهر لين قبل العشا وانا شغل
لابسه بجامه وحاطه على شعري ربطه وحالتي حاله ........ المهم الناس دائما يجون بعد العشا
انا خلصت شغلي قبل الاذان وقلت بحط العوده في الجالس واروح اتسبح والبس واشيل المباخر واروح اول مجلس الرجال
وادفش الباب برجولي بقوه علشان الباب كبير وفيه دفاشه من ورى تعرفونها الي تخلي الباب دائما مقفل المهم ولا وانا في وسط المجلس واطالع الا والرجال رصه قاعدين وزوجي تسمر ما قال ولا كلمه ,,,,,,,,,, انا طلعت وانا مصدومه ومنحرجه وخايفه وش بيسوي فيني ويوم راحوا الناس وجى موعد الحساب والعقاب .... واهب فيه قبل لا يتكلم ,,قلت الغلط عليك ليه ما اعطيتني خبر ان فيه رجال وثاني شي انا ماسمعت جرس وثالث شي وش جابهم قبل الصلاه ورابع شي انا طالعه مبهذله وشكلي يفشل وووو ........... رجع اعترف ان الغلط عليه وانه حتى هو تفاجئ من جيتهم بدري وما مداه يخبرني الا والهجوم بالمباخر عليهم .....يقول ان واحد من الضيوف ما كان يعرف البيت واخذ واحد من اولاد عمه واولاده يدلونه علشان كذا جو بدري
هم اكيد نسيوا .... لكن انا ما نسيت