مين تساعدني كيف اسوي لبنتي فالنظره الشرعيه او يوم الملكه

حبيباتي الغوالي يارب يسعدكم ساعدوني وكونو معاي انتم خواتي ومااستغني



كلمتني حرمه وخطبة بنتي الكبيره لولدها وانا اعطيتها الموافقه المبدئيه
وممكن يجون يخطبون رسمي بهالفتره ويصير الكلام بين الرجال رسمي
وانا محتاره شلون اعلم بنتي اخاف ترفض وتفشلني والولد والله ابن اجاويد وناس طيبه ومحترمين


واذا تمت الموافقه اكيد بيصير فيه الشوفه الشرعيه
بس انا محتاره وش ممكن اسوي لها فهاليوم لاني ماجربت قبل

عطوني نصايحكم وتوجيهاتكم والله مااستغني

22 تعليق 8,010 مشاهدة

شاركي في النقاش

سجلي الدخول لإضافة تعليق.

التعليقات

22
  1. @aatrh_1

    نصيحة فاتحي بنتك قبل يجون الناس وتاكدي من موافقتها عشان ماتحطين نفسك وتحطينهم بموقف محرج

    اذا وافقت خير وبركة واذا لا دقي على الحرمة واعتذري

    وفاتحيها بوقت مناسب يعني اذا عندها اختبارات فاتحيها بعد ماتخلص


    يوم الشوفة تلبس لبس حلو وناااعم وساااتر و تحط مكياج خفييف كحل وماسكرا وقلوس او روج

    وعسى الله يوفقها يارب
  2. @pink_fo0ofo0o

    بالاول بعلمك انتي لاتسبقي الاحداث خلي الاهل يشوفون مو ممكن مايعجبونك الاهل او هم ماتكون على مواصفات ولدهم لذلك اول شي لاتعلمين بنتك انه خطبه كانه زيارة اهل او اصدقاء ولاعجبتهم قولي لبنتك عجبتيهم وزصي ام الولد بهالشي حتى لاتنجرح بنتك لو عافوها وتحسب.فيها شي وهي قسمة ونصيب



    ولا صار شي بالشوفة اكيد اول شي تقهوون الرجال وتحطون ظيافة تشرف وبعدين تدخل بنتك خمس دقايق والافضل لابسة فستان سوارية نااااعم ومافيه اي حركات يعني على جسمة وفاكة الشعر بس.رافعة الي بالوجة حتى يشوفة زين ولاتطول كثير خمس دقايق وتدخل بعصير وتقدمة وتكون حاطة مكياج خفيف مايغير ملامحة بس تطلع نعومة


    ولاانسى اهله لاجوكم احرصي.ع الظيافة الحلوة والتقديم المميز لانه بتكبر.بعينهم ويحترمونها
  3. @ghrtkm_aldnya

    صاحبة الموضوع
    اختي عطر الله يعطر ايامتس برضاه عنتس
    بانك يقلبي هم شافوها امه واخواته واختاروها له
    وكم مره جوني فبيتي ونعرفهم
    اي اكيد لازم ضيافه عارفه هالشي

    امه شافت بنتي واعجبتها حييييل وعلى مواصفات الي يبيها ولدهم
  4. @pink_fo0ofo0o

    خلاص اجل ربي يوفقكم الي فيه خير وصلاح لبنتك انتي قوليلة الصراحة ومباشرة الولد بيخطبك ويبي يشوفك حتى لو عندت اقنعوها بالشوفة ع الاقل لانه ممكن بعد الشوفة ترضى وتةافق

تابعي تجارب أخرى من هذا القسم.