عدنااااااا
حبيباتي ليش معترضين على كلمة ملزوم يصرف ألا ملزوم وملزوم حتى لو كانت موظفة وحتى لو غنية الشرع يلزمه
واذا هي تبي تصرف من راتبها ويتشاركون في الصرف او تشيل نفسها واحتياجاتها برضاها فهذا كرم منها مو واجب عليها ومو معناه يشيل يده نهائياً
وحتى لو بتشيل نفسها من الى تتمنى يجيب لها شي منه تتمنى هدية رمزية او كسوة عيد او اي شي تجود به نفسه والمعنى معنوي وهي في النهاية زوجة تتمنى هدايا واشياء من زوجها مثل اي زوجة
ليش ماتقرون موضوعها بتمعن الرجال ماقال نتشارك الا رمى عليها كلش من إلى عسى ماشر وفلوسه وين تروح اذا كلش عليها والسكن في بيت أبوه وش فايدته في الحياة أجل؟ يساعدها تجيب طفال بس؟
اعرف كم وحدة لما جبت اولاد رفسة زوجها ومعد تبيه لأنه محسوب عليها زوج طالما كل شي عليها من الى وش تبي به يجي ينام ويتسدح ويتبطح ويمكن ياخذ من راتبها او كله او حتى بطاقة الصراف!!!
انا مااشوشها ع زوجها واقول سوي زيهم لكن تفهمه وش اللي لها ووش اللي عليها ووش المصاريف اللي هو ملزوم فيها
وسبق وقلت لكم اعرف وحدة مبهذلها عند راتبها وهو في وزارة الصحة ومسكنها في آجار وكل شي من من من الى الى الى عليها لو ماتقضي او -يعطونها اهلها- ماقضى هو وان جاب شي بعد الحاح منهم بيطلع عيونهم عليه حتى الآجار اذا قرب ينتفخ ويزعل ويقوم الدنيا يبيها تدفع واذا رفضت قال اجل نتقاسم!!!!!!!!!!!!!!!!!!!!!!!!!!!!!!
ليه يتقاسم وراتبه العريض وين يروح كل شهر اذا شايل يده من كلش وحتى البيت يبيها تقاسمه والله بغت تعطيه من راتبها كل شهر عشان تفتك من لسانه بس شبينا عليها خير راتبه اعلى وكل شي عليها وعليها قرض وديون لأن مره صار بينهم موقف وصار ينابح والله ماسكت ليت ذبت في وجهه 500 مدري 600 ريال!!!!!!!!!!!! بالله هذا رجال وش هالمبلغ عند اللي يمعطه شهرياً وماتعرف راتبة كم ولاعلمها ولا قد شافت له اي كشف حساب بس معروف كم رواتب سلم وزارة الصحة لذلك لاتشبون فيها هي مو دجاجته الذهبية اللي تبيض له ذهب وبس يشفط منها اشكال وانواع يلزم حدودة ويعرف واجباته ويكفي طايح عنه سكن وفواتير كهرب وموية وغيره يعني راتبه بييييييييييييقعد دامه ساكن عند اهله أجل وين يروح هالراتب؟!!!! واحس عيب يرمي حموله على بنت الناس حتى لو موظفة الحياة الزوجية مناصفة وشراكة مو خذوه فغلوه بس لأنها موظفة وكأن الوظيفة جريمة تُعاقب عليها
وبعضهم مهنا زود الحمدلله والشكر يجلس مع كم واحد نفس هالنوعية ويفرون راسه ويجي يطبق على حرمته.
الله يكون في عونك ويسخرلك ويحنن عليك
لازم تتفقون وتتشاورون وتتقاسمون كلش برضاكم وتفهمكم عشان السفينة تسير
مو ترضخين لكل طلباته واوامره عشان تسير السفينة ترى مااحب اللي يطمطمون الأمر بهالشكل عشان ايش عشان خاطر لايزعل ابو سروالا وفنيلة والا يضربها يامال الكسر خل يمد يده بس والا يطلقها وخير ياطير موظفة وتقدر تقوم بنفسها وعيالها ومحسوب عليها رجال قصدي عالة وانزاح.. المعنى حركات أنتِ الحرمة نفذي كل شي يبيه الرجال عشان مايزعل والا يطلق والا يضرب وأنتِ ماتشوفين الجادة ورجلك فوق راسك وغصب عنك وتحملي فوق طاقتك انسييييييييييهااااااااا ماتوا اللي ينصحون هالنصايح انقرضوا مع جداتنا وزمانها راح الحين زي ماله لي وزي ماعليه علي وزي ماعندي واجبات عليه واجبات ومن واجباته المصروف عليك وبيتك وعيالك.
زوجي وراتبي ابي حل
متابعة النقاش، صفحة 21