فيني هم وم مايعلم فيه الا رب العالمين

بسم الله
باختصار انا حامل في طفلي الرابع وطبعا ابني توه كمل سنه واخته لسى كملت سنتين
يعني هذا الحمل سبحان الله ماتمنيته الحمدلله
بكيت وبكيت وبكيت ولسى ماخلص بكاي
السبب ماعندي احد يشوف ويقوم بعيالي يساعدني ويونسني اهل زوجي في ديرة ثانية وقرية صغيرة وعيون الحريم هناك تفلق الصخر لسى السنه الي فاتت كنت عندهم وانا حامل وماسلمت من كلامهم
وامي الله يعلم بحالها كفاية اني اجيها الاربعا والخميس وكمان الجمعه وماتقصر والله
وعيالي كل من شافهم قال وربي الله يعينك على حركتهم الزاااااااااااااااااايدة ودوشتهم
نومهم خفيييييييييييييييييييييييييييييييييييييييييييف لابعد درجه في العالم ينامو 4,5 الفجر الساعه 8 الصباح قمة نشاطهم
وفوق هذا عندي خموووول وكسل موطبيعي في جسمي حتى شغل البيت كرهته مااقدر اقوم من الخمول
ولا جيران ولااصحاب
ابي شغالة بجنب بيتي علشان تروح وترجع ماابيها تبات لان ماعندي غرف كثيرة كلها 3 وحدة انا زوجي عيالي ووحدة ابو زوجي واخوانه ووحدة حق الضيوف عالاقل تبقالي غرفة اذا احد جاني
بموت والله
مهمومة ومغمومه وكل هموم الدنيا فيني حظي سيء من يوم تزوجت وانا في محنة ورا محنة كل من يعرفني قلي ماشاء الله على صبرك ولاني كتومة حتى امي مااقلها بس هم يشوفي سكوتي الدايم وصرت اسمع من الناس انهم يمدحون صبري كل هذا وهو مجرد احساس من عندهم ولانهم شافو بساطة بيتي خلافا عن بيوت قريباتي الي من عمري
بس والله تعبت جسمي مافيه شدة وانا مرة نحيفة
والله حظي السيء يفلق الصخر
بس اقول يارب يكون ابتلاء مو غضب من الله
ابي دعواتكم ونصايحكم
وطبعا لازلت ابكي