كريم ديور سنو للتبييض

خبرونااا

up

للرفع

سأنقل لكم بتصرف تجربة بعض الاخوات من منتدى آخر مع كريم الحمايه من الشمس من نفس مجموعة ديور للتبييض ( ديور سنو) تقول :
[ بقول لكم تجربتي معاه من البداية لين النهاية لما خذته كان توه نازل و ماكنت سامعه عنه بس لأني وايد احب ديور و خصوصاً البنوته الفلبينيه اللي تبيع في البيت الحديث وايد اثق فيها المهم خذته وتوكلت على ربي بقول لكم مميزاته اللي انا حسيتها بنفسي :: تمتصه البشره بسرعه يعني ممكن بعد دقايق تحطين المكياج على طول ،، ما يعطيج مظهر دهني بالعكس الا تحسين ملمس ويهج مخملي اذا بتحطينه بدون ميك آب صح بيعطيج طبقه فاتحه على ويهج بس طبعاً بعد ما تمتصه البشره راح يبين طبيعي او كأنج حاطه اساس خفيف ، طريقة الأستخدام انج تحطين نقطه على صبعج وبالصبع الثاني تحركين الكريم ،، يعني تدفينه وتوزعينه على شكل نقاط على الوجه و من ثم تمسحينه على كامل الوجه
تعالي الحين لو عندج مناطق في الوجه تبين تبيضينها ركزي عليها بالنقط ومسحي ،، رائع جداً كقاعده قبل الميك آب يثبت ويمنع تشقق المكياج ومع الأستخدام المستمر يفتح البشره ،، وهو تابع لمجموعة التبييض من ديور اللي هي ديور سنو ، ونسيت اقول لكم تأكدوا انه الجديد : لأن الجديد درجة حمايته 50 والقديم كان 30 عموماً ماعتقد الحين قاموا ينزلون اللي بدرجة 30 نسيت اقول لكم ان بشرتي دهنيه ،، لكنه يناسب جميع انواع البشره وهذي صورته للي ما تعرفه

وسعره بحدود الــ 100 و شويه ،، ولون الكريم ابيض لكن على البشره حلو ويعطيك لوك طبيعي ويعتبر مرطب فعال للبشره خصوصاً قبل الميك آب ]
** وأخت أخرى تقول : [ عطيته حق أمي وهي حنطاويه وطلع عليها روووووعه و ما تحتاج تحط وياه لا أساس ولابودره وأحس ان اللحين ابيضت عن قبل ... ]
** وأخرى تقول :[ هو في لون جنه صدفي بس حلووو انا مرة حطيته بروحه مع بلش امي حسبالها اساس او بودرة ]


ومازلت بانتظار افادة الاخوات من منتدانا

انا جربت كريم الحماية اللي بالصورة

ومثل ما قالت الإخت وايد حلو وخفيف خاصة اذا حطيتي طبقة خفيفه راح تتوزع بسهوله ويبين بياض طبيعي ،، انا بشرتي حنطية ومختلطة ناسبني مايدهن البشرة ومثل ما قالوا يعطيك ملمس مخملي

مره من زمان قبل فترة بعيده جربت كريم للبشرة من ديور بس ما ناسب بشرتي وسبب لي حساسية وقررت اني ما استخدم كريماتهم واكتفي بالمكياج

والحين جربت كريم الحماية من مجموعة سنو وعجبني بس بقية المجموعه ما جربت منها شي

وبالنسبة للكريمات ما تقدرين تحددين اذا يناسب بشرتك او لأ الا من تجربتك مش من تجارب الناس حتى لو عندك نفس نوعية البشرة،، ممكن تصلح للبعض وما تصلح لغيرهم

ولازم نستمر عالأقل شهرين- 3 شهور حتى نشوف النتيجه

اتمنى اني افدتك :)