تجمع لعبايات الراس لتاج الحشمه والوقار ..

الحمدالله من طلعت على هالدنيا وعباتي على الراس وقفازات يدين ورجلين عسى الله يثبتني ولايخليني البس عباة الكتف والله اني حتى لما اروح لسوق احس الكل يحترمني حتى صاحب المحل حتى لو لنه هندي احس انه محترمني لابعد حد لدرجة اذا عطاني الكيس حق اغراضي تحسين يحاول يعطيك من بعيد والله كنت مرة بالسوق وشفت واغلب البنات لابسين كتف الوان واشكال هذا غير المكياج والصوت الي لجتك الوحدة قامت تغنج اعوذبالله اللهم عافني مماابتليتهم فية وشكرا ياصاحبت الموضوع للرفع

جزاك الله خير علي الموضوع القيم والله يثبتنا علي طاعته اسواق المجد عبايته تجنن اصليه

الله يعطيك العافيه

الله يهدي الجميع لكل خير
تجربتي الصالونه جربت نوعين منه
نوع ممتاز مااعرف اسمه بالضبط لكن هو صالونه
ونوع طفشني مايثبت عالراس وتتوسخ بسرعه

وبجرب حالياً الكريب والفرسان

الله يستر لى بنات المسلمين هاذولي الي بالصوره يخلون نفسهم عرضه للتحرش من الشباب بنات انا ملاحظه شي بالاسواق حتى صرت استغرب واتضايق البنات ماعاد يغطون وجيهم وش السبب حتى زوجي اذا قلت كذا يقول مو سعوديات ومع احترامي لكل اخواتنا العربيات مايسوون الي يسونه بناتنا مكياج كامل وكعب ورموش وعدسات العربيه صح بعضهم ماتغطي وجهها بس محترمين انفسهم هاذولي الي اتكلم عنهم سعوديات ومن بنات الرياض بعد

الحمد الله عبايتي راس ومااغيرها ابد للسوق والمطعم والروحات العاديه عبايتي صالونه وكمها الي ممسوك وسواره مع اليد استرتش سودا ساده ومرتاحه مره عليها صح تطيح من الراس وتزلق بس فيه بنات يقولون خيطي فيها من جهة الراس قماش مخمل او او حطي دبوس من داخل العبايه من جهة الراس للامانه ماجربت هالطريقه واما المسايير العزايم العروس البس عباية كتف لاني من السياره الى السياره مره ثانيه يعني للكشخه كتف عادي راس