شاركي في النقاش

سجلي الدخول لإضافة تعليق.

التعليقات

458
  1. مــلاكـ
    ترى انا لمييس حبيباتي ماادري عندي المشكله ولا عند الكل ست مشاركات وبعدها مااقدر اشارك وربي ماحبيت اترككم بسألتكم ومايهون علي دعد يالغلا انتي بنفسك قلتي قراها متواضعه يعني مو المحافظه نفسها وبكل مكان بالمملكه القرى اللي تابعه للمن…
    اختي انا بتكلم عن اهم مركز فيها ساجر والله مثل القريه في خدماتها واللي انتي تقولين عنها قريه يعني اذا توصفينها للي ما يعرفها تشبهينها في الهجره
    وهنا نتكلم عن الدوادمي ماراح اقيم مناطق المملكه اكيد فيه اماكن ثانيه متواضعه بس لازم نقول الحقيقه واكيد هم بيعيشون فيها ان شاء الله وبيعرفون
  2. @mlak_85

    تبون الصراحه ترى الدوادمي داورد كبيره ماشاء الله وعدد سكانها ماشاء الله

    انا اللي بنت الدوادمي مااتوقع احصل الوظيفه بالمحافظه نفسها مستحيل

    لأنه مثل ماقلت مدارسها مكتفيه

    واتوقع الدوادمي اكثر محافظه من بين الممكله بكبرها اللي عدد القرى التابعه لها كثيييير وعلى فكره ماتسمى قرى تسمى مراكز

    ليش؟؟ لأن المراكز ممكن توصل للرياض من كثرها ماشاء الله وصارت تابعه للدوادمي لأنه مافيه مدن كبيره بين الدوادمي والرياض

    ولهالسبب صارت كل المراكز تابعه للدوادمي والله يعين
  3. @barona_2

    دعـــــد
    لاتزعلين من كلامي بس محافظاتها مثل القرى مافيها شي اقل حاجه المستشفيات جداجدا متواضعه وكثير صارت معي مواقف منها مره اروح الرياض ومره اروح القصيم والاسواق لايمكن فيه احد بيشري منها شي مره بسيطه المطاعم مافيه للعوائل ولا فيه مطاعم حلوه تج…
    شوفي قلبي انا صدق سكنت فيها 3 سنين مجبره وكنت ادعي ربي متى انقل منها

    بس للامانه ماهي بالطريقه اللي وصفتيها

    مطاعمها مو مره بس فيها كودو وبيتزا هت وهيرفي والكوخ وكلهم ماشي حالهم وفيها قسم عوايل ماعدا الكوخ وماهي مهمه المطاعم

    وفيها جهينه والحطب

    وافضل سوبر ماركت زاد والحميضي واليحي

    والمستشفيات

    العام ماشي حاله اراجع فيه بحملي ومره كنت تعبانه ونوموني عندهم 3 ايام بس عشان يتطمنون علي وتعاملهم حلو ونظيفين

    ومستوصف ابو زيد يجنن والحسيني

    صحيح الاسواق لك عليها وبالذات المفروشات غالين

    بس الواحد يقدر يمشي حاله خصوصا ان الرياض قريبه والواحد. يقدر يروحلها اذا اضطر
  4. @mlak_85

    دعد

    انتي تتكلمين عن المحافظه نفسها والا عن المراكز التابعه وضحي؟؟؟

    انتي بنفسك الحين تقولين ساجر وساجر يالغلا مركز مو محافظة الدوادمي اتمنى تكونين فهمتي
  5. بآرونا
    شوفي قلبي انا صدق سكنت فيها 3 سنين مجبره وكنت ادعي ربي متى انقل منها بس للامانه ماهي بالطريقه اللي وصفتيها مطاعمها مو مره بس فيها كودو وبيتزا هت وهيرفي والكوخ وكلهم ماشي حالهم وفيها قسم عوايل ماعدا الكوخ وماهي مهمه المطاعم وفيها جهينه و…
    يافلبي انتي تتكلمين عن الدوادمي فقط
    شفتي المراكز التابعه لها
    والله مافيه لاكودو ولا هرفي ولا بيتزاهت
    والمستشفى داخله طوارئ وحده حامل ينزل منها دم جالسه 3ساعات محد جاها واخرتها قالو ماعندنا علاج وراحت الرياض
    انتي يمكن عايشه في احسن مكان الدوادمي

تابعي تجارب أخرى من هذا القسم.