مساء الخير على الجميع ,, السالفه بدون لف ولا دوران ,,, هي الشغاله ,, كان يامكان في قديم الزمان وسالف العصر ,,اخلصي
كان عندنا شغاله (( ماأبي أذكر جنسيتها علشان ماتكون غيبه )) المهم من سنتين والحين ازمه شغالات فقلنا بنمددلك (( بعد اغراءات من راتب وجوال ونصاب الشغل قل للنص )) ,, مو المشكله هنا ,, المشكله أني في يوم من الأيام وأنا اتقهوى ولاصقه اتفرج على التلفزيون إذا بها تنط وتجلس عندي تتفرج جنبي ,, ؟؟ بلمت (( تنحت )) وش اسوي لها اهزئا لا مستحيل (( تكبر )) اقهويها (( لا بعدين بتصير قهوتها العصريه كل يوم عندي )) فقلت اطنشها ,, لا والمشكله انملدت (( يعني أمي مفهمتها ماتكلم اخوي (( الجامعي )) ولا تدخل غرفته ولا تجي إذا هو موجود ,, صارت عمتي اقصد الشغاله تجلس معنا في مقلطنا الجلسه العائليه ويضطر اخوي يطلع (( حشى مرت أخو مو شغاله )) ,, لا والطامه الكبرى ,, قبل اسبوع كنا جالسين جلستنا العائليه اللي جالس ع اللاب واللي يتقهوي واللي يتفرج ع التي في وإذا بها تجلس بينا وتاخذ مجلتنا (( مجله ازياء وتجلس تتفرج على التي في وتقرا المجله )) ,, ملاحظه .. مانقدر نحط لها تلفزيون في غرفتها لان لو حطينا ماراح تطلع من الغرفه ابد (( لانها مدمنه تلفزيون )) وصعبه نخليها تقلط معنا واحنا نبي ناخذ راحتنا وهي من النوع الملقوف (( عادي عندها تتصل على اخوي وتقول جب لي عشاء )) ولا نجلس نسولف وتعلق ولا ماتعجبها القناه وتقول غيروا ,, ياخبيرررررررررررررررررررررررررررررررات وش الدبره ,,
الموضوع مغلق