السلام عليكم ورحمة الله وبركاته
البارح نزلت موضوع اطلب فيه مشورتكم حول كيفية السيطره على شغب اعيالي داخل السياره
وماقصرتو معي واعطيتوني كثير افكار اخترت مجموعه كبيره منها عشان يكون برنامج منوع ومايملون
من ظمن النصايح الي نصحتوني فيها انو اشري كرسي السياره الخاص بلاطفال عشان احط فيه بنتي وارتاح من جلستها بحظني
وانا سبق وبحثت عن هالكرسي في المحلات ولقيته غالي لايقل سعره عن الف اريال وانا مقدر على هالمبلغ
الي تعرف وين القى هالكرسي باسعار لاتزيد عن خمس ميه 500 تقولي وتدلني على المحل زين
زي ماقلت لكم حدي 500ريال اذا كان غير متوفر بهالسعر معناته مظطره الغيه من قائمة الحلول
تسلمولي ياحلوين مقدما لاني واثقه في تعاونكم معي جزاكم الله خير الجزاء
شاركي في النقاش
سجلي الدخول لإضافة تعليق.
التعليقات
10- اذا انتي بالرياض عند محلات الاطفال او بالهرم وحلوه اسعارها انا اخذته لولدي من الخرج وارتحت من جلسته بحظني احان يبكي يبغاني انزله بس اطنشه او اعطيه العاب ويسكت
- شوفي سنتر بوينت
كرسي الاطفال مو بس عشان ترتاحين الا آمن وافضل طريقه - وعليكم السلام ورحمة الله
بتلقينهم في سنتربوينت. بس بصراحه ماذكر أسعارهم - سنتر بوينت سبق وشفته وعندهم على الف
انا موجوده برياض
الهرم مدري عندهم اولا
انا مابقى على سفري شي مقدر اروح افر في السوق يادوب اجهز الشناط
عشان كذا ودي بمعلومات كامله والازم يكون السعر 500ريال او اقل - جارتي شرته لبنتها من محلات اطفال ب250
ليه الف ياساترررر
مواضيع مشابهة
تابعي تجارب أخرى من هذا القسم.