شاركي في النقاش

سجلي الدخول لإضافة تعليق.

التعليقات

7,588
  1. السلام عليكم يا صبايا..

    الله يسعد هاللمة الحلوة..

    والله يا أمون قولتك مرو الأيام بسرعة ما حسينا فيها.. الله يخليلك بنوتك ونشوف الببيبي الجديد على خير يا رب..
    وعفكرة شو قصة هالولاد مع العض!! وأنا ابني نفس الحركة وما بتحلاله غير بالمطبخ!!
    أسكتي أنا مش قلتلك رح أأجل تنظيف ابني لبعد الإجازة..؟ من يومين وهو مستلمني.. ماما ماما..,نونو..نو نو.. نونو.. وبجرجرني عالحمام.. قلت خليني أجرب.. بس طلع الأزعر بتخوث.. بس بيكفي صار يعرف شو وظيفة الحمام بالبيت..!


    فلسطين يا أمورة.. روحي على سيتي بلازا إذا عندكم منه بالكويت بتلاقي 1600 نوع من الكريجات فلتيها تحبي عالأرض وتروح تنقي سيارتها .. بطلعلها يا عمي .. هاي شوشو..!

    مهى.. يسلمو حبيبتي على معلوماتك عن الطقس.. وخليتوني آخذ إحتياطاتي عشان إبني..شكرااا

    زهورة الأمورة.. وأنا صارت عندي نفس الحساسية..! أقلك كيف بتروح..؟ إنزلي عمشاركة تانية من تبعون إيمان عندها (Anti histamine) يعني دوا مضاد لهاي الحساسية.. هو الفرفشة وبيضل مفعولها أبو ساعتين ثلاث بتنسي أي إزعاج أو (حساسية) وبتفرفطي من الضحك .. الله يجازي بلايشك يا أمون..

    أم منى.. الله يخليلك اياهم يا أختي وتشوفيهم صبايا معدلات ببيوتهم وتاكلي من تحت ايديهم أحلى أكل يا رب..

    noo noo22 الله يكملها معك على خير.. وتتخرجي وعلي أحلى زغروتة.. ما أنا أخوي تخرج بنص السنة من التكنو وما زغرتت خزنتهم لحفلة التخرج وما حيحضرها.. لأنه الحمدلله اشتغل هون بالسعودية وما حيسافر على الأردن عشان حفلة التخرج.. يلا .. صارو محوشات بعطيكي اياهم :-)

    دمعة حزن.. أناحابة أتعرف عليكي أكتر .. ما صدف واتقينا سوى أون لاين.. يمكن فرق التوقيت ..

    يا بنات مالها نابلسية من جدة مختفية ..! لا تكون عملتها..! بس لسة ما أجا موعد ولادتها صح؟؟

    عنودة.. الله يهون عليكي.. عارفة عجئة الضيووووووووووووووووف!!

    كعب الغزال حياكي الله يا أختي وبتنوري بيننا..وأم أمجد تشرفنا بطلتكم يا حلوين..

    بس يا رب نعجبكم .. حاكم هالأيام الواحد صار بده الستيرة!!
  2. ام منى لا هدول اللي بتحكي عنهم للي اكبر شوي

    هلاء موديل العربيات اختلف كتيرررررررر

    وبعدين بيتي صغيور مافي دراج ولا شي

    الله يحميها صوصتي ويخليها مش مصدقه امتى احطها فيها
  3. بالنسبة لموضوع الحجاب..

    أنا بحكم عيشتي بالسعودية من وأنا صغيرة.. متحجبة من زماااااااااان ما بعرف من قديش.. بس المزبوط أنا تحجبت من 10 سنين منيح منيح.. يعني حتى قدام ولاد عمي وخالي.. وبالأعراس والحفلات و.. و..

    المهم ..
    هلأ بلبس عباية وشال هون بالسعودية.. بس ما حبيت العبايات اللي فيها ألوان كتير.. لحد الآن ما تجرأت أجربها خاصة المرقعة .. بحسها بتلفت الإنتباه وبينتفى الغرض منها..

    وبالأردن بلبسها مرات (العباية السودة)ومرات بلبس عادي تنورة وجاكيت أو قميص أو بلوزة مع حجاب (إيشارب )لونه مناسب للبسة والمهم يكون اللبس مناسب للحجاب يعني مش مكسم ولا ألوانه ملفته وبراااااقة..!!

    بس موضة الحجابات اللي حكيتي عنها يا ‘يمان ما شفتها لما نزلت بالشتا..! بجوز عشان ماكانت الناس منطلقة وكانو متصرصرين بالبيوت من البرد.. أبصر!!

تابعي تجارب أخرى من هذا القسم.