وسعي صدرك معنا واكتبي موقفك المضحك وانتي ماعليك صوم برمضان

انا صارلي موقف أمي دايما تقولي اذا جتك لازم تفطرين مايجوز تكملين صيامك عطتني صحن وقالت اكلي في المستودع حق المطبخ ما احد بشايفك وان قاعده ابلع من قلب والا يدخل اخوي المقرود اصغر مني بسنه ويشهق هاذيك الشهقه تجمعو اخواني عليها ويصايح بأعلى صوته فلانه أفطرت فلانه أفطرت وأمي هالمسيكينه تركض وراه وتصيح ابك اوص ابك اوص فضحتنا
ههههههههههههههه ياحلوها هذيك الايام اخوي الحين متزوج وعنده عيال الله يصلحهم

يوم كنا بالثانويه كنا ندرس برمضان..

وكانت عندنا حصة فاضيه وحطو لنا بنت كليه انتظار...

المهم فيه بنت كانت مفطره وتاكل علك مااحد انتبه لها الا بنت الكليه

قالت لها تعالي معي للادارة قالت انا معذوره

قالت حتى لو معذوره تجاهرين بالمعصيه

والمصيبه والله العظيم الاداره شرشحتها ودقت على اهلها

معقوله كذا يعالجون المشكله؟؟

حتى لو متعمدة ليش الفضيحه؟؟

وين راح النصح باللين

ههههههههههههههههههه
رهيبين

هي فضحت نفسها اصلا المفروض تحترم الصائمين مو صغيره بالثانوي غير كذا وين الحياء والادب

تاكل انا بيني وبين نفسي استحي شلون قدام الكل !!!

سبحان الله وبحمده سبحان الله العظيم