أول هديه أهديتها حبيبي رماها
صباح الخير الله يسعدكم اليوم وكل يوم انا حاز في خاطري موضوع من زوجي اول مره اهديه اهديته عطر وكان غالي وفرح فيه ساعتها وقالي قد كان عندي زيه لكن مايصلح مع الحر لان ريحته ثقيله قلت له وهذيك الايام كانت برد قلت هالايام برد واتعطر منه بالليل ماتفوح ريحته بقوه وانا ماكنت اعرف زين ذوقه بالعطور هو مايحب العطور الرجاليه الثقيله واللي جبته رجالي ثقيل لكنه روعه ولمن يبرد حلوه ريحته المهم هو الحين مسافر شغل فتره طويله ومره اخذه بالسياره ولاعاد شفته سألته مره عنه قال بغرفة الدوام هو وعطري الثاني .ماخذ عطرين بالدوام المهم جا بعدها جايب عطره اللي هو شاريه وترك عطري اللي هديه من عندي ماسألته وقتها ماادري كيف اسأله افكر بنفسي اقول انا اهديته وهو حر وساعات يجي ببالي اول هديه من عندي ويرميها كذا وعلما ان غرفته يستخدمها زملاءه معاه مو بس له اش اسوي اطنش ولااسأله للمره الثانيه ادري يمكن الموضوع مايسوى لكن بالنسبه لي احس قيمة الهديه من قيمة راعيها صح ولالا وعلما بأنه ماشاء الله دايما يهديني لكن مايسألني ليه ماالبسها اللهم مره اهداني تعليقه وكنت حاطتها ع التسريحه قال شيليها بتخرب هنا ويتكلم وهو متضايق واكسسوارتي اللي من نفسي انا شاريتها مايقولي شيليها اش رايكم بنات لان ردودكم تهمني كثير وفقكم الله