لكل زوجة أولى. بكل الحب والوفاء هنا نلتقي مرة أخرى

الله يسعدك يبقى حبيبي .. وجرحك قواني .. عندما قرات كلماتكن ...اسعدتني وساعدتني ان اخرج من تفكيري ... ان شاءالله يساعدني ربي واكون افضل من كذا ... واعيش لنفسي وادللها .... اكثر ما يضايقني ..هو ان زوجي اسبوع لا يكون موجود ولذلك اشعر ان الوقت ممل وطويل ... اول يوم يعدي لم يروح من عندي ...ما عندي مشكله ..ثاني يوم كذلك ..ثالث يوم ..يبدا لدي املل ..والحزن والتفكير ..الحمدلله فرج الله قريب

يوم الخميس اخوات زوجي بيسوون عزيمه كبيره لمرت خالهم طالعه من الحكم وعازمين كل جماعتهم وقالوا لي انا متردده اروح او لأ لانه اكيد بتجي الهانم بتاعة زوجي
الكل يشجعني روحي خليك واثقه من نفسك انتي احلا منها بكل شي والله سمعت هالكلام من حريم اخوانه وبناتهم الكل اجمع اني احلا الكل يشجعني تعااالي لاتهمك سلمي وطنشيهااا خليك واثقه من نفسك لاتهزك خلي الكل يعرف انك قويه وماهزك زواجه بالعكس اطلعي وانبسطي واضحكي من جد كلامهم شجعني اروح وامي بعد قالت روحي والبسي واكشخي ولا عليك منها بس قبل لاتطلعين من بيتك حصني نفسك وقوي قلبك وخليك واثقه من نفسك شفت كلام امي كذا تشجعت اكثر واكثر ماسألت زوجي ابد بتجي زوجتك اولاااا ابد وان شاء الله اصبر ومااسأل ابد امس كان عندي بالعاده يصلي الفجر وعلى طول يبدى يوم الثانيه بس لاحظته هذي الايام يجي يفطر عندي مدري ليه قلت يمكن هو يتغدى عندها كل يوم عشاني انا بالدوام ودي اسأله بس خايفه يتعكر مزاجه اليوم صليت الفجر قلت اكيد بيروح لها بدى يومها تفاجأت انه جى بعد الصلاة لما جى وقت روحة اخواته للمدرسه بعدها اتصل قال جهزي لي الفطور قلت ابشر استغربت هذي كم مره يفطر عندي لييييه مايفطر معهااا مابغيت اقوله ليه ماتسوي لك فطور سكت شفته اليوم منفتحه نفسه كلمته ابي اروح لرياض اشتري ملابس للعزيمه ماعندي شي حلو كشخه للعزيمه قال لااا بعدين امس انا بالرياض قلت طيب بكره او بعد قال لاااا بعدين سكت مع انه واعدني يوديني توهقت مابي اروح بملابس عاديه ابي اكون كشخه بها العزيمه اكيد كل العيون علي كأني اول اجيهم وغير انهم متعودين اني اتكفل بحلاهم كله اسوي مو اقل من 4 انواع هالمره سكت ماقلت لأخته ايش تبين اساعدك امس انا عندهم واشوفها من يسوي لنا الحلا بنقول لبنت اخوي وبنقول لحرمه تزيين لنا اخواتها اعترضوا قالوا مو لازم يكفي اللي بيجيبونه بنات اخوي قامت توريني اخته انواع حلا عشاء تقول شوفي سهل هذا ولا هذا بصراحه رحمتها حسيتهم تايهييييين لو عزيمه عاديه كان قالوا عادي مايهم اي شي نحطه عادي اهلنا بس هذولا كل جماعتهم وناس من الرياض قلت بسوي لك نوع حلا قالت الله يجزاك خير مابغيت اقول خلاص خلوا الحلا علي قلت واحد اسوي لهم مو ضارني شي بالعاده اتعب من اني اسوي انواع كثيره وانتوا عارفين ان ماعندي شغاله وحوسة مواعين وغير بيتي والنوري الله يصلحها من جد تعب الله يعيني على انتقاد اخواتي بيقولون مااااتصبرين عارفينك بتسوين لهم هههههه ان شاء الله اني اسويه لوجه الله مابغى شكر منهم
اناااا اخاااايفه مررره من المواجهه اكيد برتبك وانا دمعتي على طرف العيييين ماتحتااااج على طووول تنزل غير اني دايما بعزايمهم اكون بالوجه انا اللي اصب واقلط شفتوااخواته 6 ناااادر يصبون ويواجهون الحريم مدري لييييه مع انهم مدرسات اغلب الدرسات جريئات اختهم الكبيره تصب معي تساعدني بس ماتقوم كثير لانها كبيره بالسن فيه بنات اخواهم يصبون بس قليييل يدخلون على الحريم دايما الحريم اتكفل فيهم انااا من جد احسه موقف صعب كل العيون علي واواجهم كذاااا حتى مدري اقدر اصب لحرمته او لااااا اصلاً مدري كيف اسلم عليهاااا هي ماتعرف شكلي الا اذا كان زوجي واصفني لهااا وانا اعرفها من الوصف بس اللي مريحني انه اغلبهم يقولون عنها انها هاديه هذا اللي شجعني اكثر اني اواجهاا ولا ابي ارفض العزيمه عشان تروح رهبة المواجهه ونكون عاديين وافتككك