بنت عمي خربت صداقة 7 سنوات وش اسوي

عندي بنت عم الله يهديها فيها غيره من كل شي خاصه لو الدعوه فيها زواج
وانا مااحب يجون عندنا بس لهالسبب مع ان اهلها طيبين وخواتها غير الا اهي وهي اصغر مني بسنتين

المهم عندي صديقه عريبه من اول ماجت السعوديه
اول واحده تعرفت عليها انا
ومتعودين على بعض نمون على بعض لدرجة اني
انام عندها وتنام عندي وكل خميس نطلع مع بعض
وخلال السبع سنوات ماعمر واحده فينا جابت طاري سعودي اجنبي وكنت دايما احسسها انها بين اهلها ومو مغتربه
دايما عمي واهلي يجتمعون في بيت جد بس هالمره
اهو في منطقه ثانيه
جى عمي عندنا عشان نطلع كلنا سوا

المهم يوم الخميس جت عندي صديقتي
واهي خاطبها سعودي
ولد المدير مع ابوها في الدوام

عاد بنت عمي اول مادرت انه في احد بجي عندي راحت تكشخت

من دون حتى مااقولها

وجلست في المجلس تنتظر تبي تشوف من هي البنت لانها دايما تسمعني اتكلم عنها وماشافتها من قبل

جت صديقتي وقعدنا نسولف ونضحك
ومرتاحه لان بنت عمي ماتصرفت تصرف غبي


المهم رحت اسوي العشا بعدها بربع ساعه

جتني اختي تقولي ترى فلانه راحت

استغربت قلت لها ليش تونا بدري بنت عمك سوت شي
قالت ان بنت عمي
سمعتها كلام سخيف بالمره


قلت لها شو


تخيلو بنت عمي كانت تسولف مع البنت عادي
بس لما درت انها خاطبه بدت تشتغل غيرتها
ولما درت ان البنت خاطبه سعودي مو من اهل بلدها

بدت ترمي كلام ماله داعي

قالت لها انت خطيبك سعودي اكيد انت وافقتي لانك فقيره
او تبين جنسيه

تقولي اختي ان البنت انصدمت وردت عليها بادب
والمشكله صديقتي ماشاء الله مو محتاجه اهلها اغنياء من قبل مايقيمو عندنا ومعها جنسيه بريطانيه وجنسيتها الام مو محتاجه


وقالت لها اصلا وش تبين في السعودي ترى مو زين وبكرا بيضربك ويرحلك
ويلعن والديك خليه لنا

المهم صديقتي من كلام اختي كانت تتحاشى بنت عمي وتحاول ماترد عليها بس عشاني ويوم شافتها مو راضيه تسكت راحت لبيتهم



واجهة بنت عمي انكرت وراحت تقول لامها خلينا نروح من عندهم جت تقولي اطلعي برا بيتنا عشان صديقتها



تخيلوووووووووووووووووووو
مو معقول يعني سوتلي مشكله مع صديقتي وتكذب علي بعد


اهي ماهمتني بس همتني صديقتي ماادري وش اسوي معها
مفتشله ادق عليها
وربي قاهرني تصرفها
احس صعبه ادق عليها واقولها ان بنت عمي تغار ومعقده
ولا تاخذي على كلامها

16 تعليق 2,105 مشاهدة

شاركي في النقاش

سجلي الدخول لإضافة تعليق.

التعليقات

15
  1. @am_kyoy

    الله يعينك
    بس لازم تكلمين صديقتك واعتذري منها وقوليلها مهما تكلمت بنت عمي المفروض ماتطلعين لان هذا بيتك

    واليوم اللي انتي عندي انتي اللي تدخلين وغيرك اللي مايحترم نفسه هو اللي يطلع

    بصراحه بنت عمك عليها وقااااحه سبحان الله ماادري النوعيه هذي وش لون ترمي كلام على الناس من غير شعور

    ((معليش ترا انا اليوم نفسييييه))لاتواخذوني على ردي
  2. @aaaydat

    صاحبة الموضوع
    لا اهي تصرفها فيه وقاحه فعلا
    ابس صديقتي طلعت لانها ماتبي تسوي مشكله اكيد انا اعرفها
    ماحبت الموضوع يكبر طلعت وخلاص
    بس قهرتني والي قاهرني كلمتها خليه لنا وينا فيه

    مفتشله ادق :"(
  3. @rgaaoy_ktr

    لا حبيبتي لازم تكلمينها والحين قبل ماتشيل بخاطرها اكثر

    الله يهدي النفوس ويشفي بنت عمج هاي شكلها متعقده ولا حاقده عليج
  4. لا لاعادي لاتتفشلين من صديقتك لان التصرف السيء صدر من بنت عمك مو منك انتي اعتذري منها وخلاص قولي لها ماكانت تقصد هي كذاطبعها تقول كلام ماتعرف معناه
  5. @aaaydat

    صاحبة الموضوع
    رجاوي بنت عمي حلووووه احلى مني بكثير ومستحيل ماتلفت انتباه احد
    ماادري ليه تتصرف هالتصرفات يعني مو موحلوه او فيها شي عشان نقول ونعذرها

تابعي تجارب أخرى من هذا القسم.