بنات الشرقيه عاجل للاهميه

السلام عليكم ورحمة الله وبركاته

اولا يسعدنى الانضمام الى منتداكم الرائع

كنت اتمنى ان يكون اول موضوع لي غير هذا
ولكن تاتى الرياح بما لاتشتهى السفن
اتمنى من الاخوات في الشرقيه ممن لديها اي معلومة عن مستشفى سعد التخصصي في الخبر
ان تكتبها لي للاهميه من ناحيه الامكانيات والعلاج والاهتمام
شاكرة لكم تعاونكم وجزاكم الله خير

7 تعليق 710 مشاهدة

شاركي في النقاش

سجلي الدخول لإضافة تعليق.

التعليقات

7
  1. @shhyd_albhr

    اهلا بك..

    أسأل الله العظيم رب العرش الكريم ان يشفيكم..

    والله رحت له مرتين طبيبة الجلدية وأنف وأذن وحنجرة والحمدلله صرت احسن ومن ناحية الاهتمام جداً ممتاز انا دخلت الطوارئ وكانوا سرعيين ومتعاونين والنظافة باين من الغرف في التوب..

    اتمنى انك ماتنسيني من دعائك عندي مادة صعبة بكره..
  2. هلا اختي
    انا اللي اشوفه منهم ,, انه يعتبر من انظف المستشفيات وعنده طاقم دكاتره قوي مره
    يعني بصراحه النخبه
    الله لايحوجنا له يارب
  3. @om_shahoooody

    هلا والله اختي
    احسنتي الاختيار لافضل مستشفى بالمنطقه الشرقية
    بصراحه انا جربت برنامج الولاده عندهم...ممتااااااااز بمعنى الكلمه..هذا غير المعامله الطيبه والحسنه من جميع الممرضات والدكاتره...وجربت بعد تطعيمات بنتي بقسم الاطفال..بصراحه روعه...يعني مستشفى كامل ورائع بجميع المقاييس...هذا غير ان المستشفى تفتح النفس كأنك داخله فندق خمس نجوم..والنظافه مااااااااااعليها كلام..وأي سؤال انا حاظرة بحكم ان والدي دكتور ومركزه كبير بالمستشفى..وماتشوفين شر عزيزتي
  4. يووووووووووووووووه كتبت رد طوووووووويل وانمسح

    على العموم ابرجع اكتبه ع السريع

    حبيبتي ياقلبي ولاده تجميل انف واذن اشياء بسيطة زي ذي عادي روحي هالمستشفى نظيف وماعليه

    ولو إنه غالي بس اذا كنتي تبع شركه فماعليك شي كله على ظهورهم

    لكن ياعزيزتي ان كان لشيء أعظم تراني احذرك انتبهي انتبهي انتبهي

    خويتي اختها مرضت عليهم فيها الغده الدرقيه وتتعالج بالأردن ووقفت الأدويه ومرضت

    وراحوا له لأنه أقرب وأحسن شي وتمنوا انهم مادلوا طرريقه ابد

    طلعوا فيها بلاوي وامراض الدنيا والآخره وعلى كل دخلت دكتور أو برفسور تدفعين فلوس

    لين ماصار المبلغ في خلال يومين بثلاث ليالي بـ 35000 ريال

    طلعوا فيها فشل كلوي ونزيف مدري وين وغده نخاميه وبلاوي متلتله

    المراه يجونها كل شويه دكتور ويقولون فيك هالمرض وهي ياقلبي استخفت منهم

    تقول اول مره اشوف دكاتره يقولون للمريض فيك هالمرض بوجهه

    وبالأخير طلعت وراحت للأردن اسبوعين وهي بالسعوديه وطيبه وبخير ولله الحمد

    وعمي بعد ترقد فيه وحالته ماهيب ذيك الخطوره الله وكيلك دخل يمشي طلع مايقدر حتى يحبي

    من البلاوي الي سوووه فيه وبالاخير خذه ولد عمي وراح ألمانيا ورجع ولله الحمد أحسن من أول

    وقصص كثيره من جماعتي ومعارفي عانوا من هالمستشفى خذي نصيحتي ولا تروحين له

    اللهم هل بلغت ... اللهم فاشهد

    الله يشفي مريضكم ويفرج همكم يارب
  5. @shaaoooooooolh

    انا مع اخهتي كـحـيـلـه بكلامها يعني برنامج الولاده حقهم كويس

    بس سعد يخوفونك كل امراض الدنيا يطلعونها فيك ويهبلون بك حتى لو مافيك شي يعني اعرف كذا وحده خوفهم وحده قالولها الجنين صغير والي قالولها الولد تعبان والحمدالله كلهم ولدوا وعيالهم بصحه ممتازه الحمدالله وأعرف وحده راحت ظهرها يعورها طلعوا في ظهرها ستين ألف شي واناها لازم تسوي عمليه ويوم راحت مستفى ثاني قالوا عادي موضوع بسيط
    مع ان مستشفى سعد ماخذين احسن الاطباء بس مادري ليش كذا نظامهم يمكن على حسب الدكتور مادري
    والله يشفيك ياقلبي

تابعي تجارب أخرى من هذا القسم.