السلام عليكم و رحمة الله
كيفكم بنات حواء
أن شاء الله بخير و عافيه
اليوم راح أناقش معكم موضوع لمسته بحياة الناس حولي
و تصرفات أستغربتها حيل
صح لها تفسير عقلاني بس أحسها زادت عن حدها
أعطيكم أمثله توضح قصدي
واحد ولده شرس و مأذي لدرجة كبيرة يبطش و يضرب و ما عنده تفاهم إلا باليد
لما تعاتب أبوه يقول
(( ما أبي ولدي يصير مثلي ضعيف خلوه يأخذ حقة بيده علشان ما أحد يدوس له على طرف
أنا ما أبي أربيه زي ما أهلي ربوني على الطاعة و تجنب الشر))
وحده بنتها لسانها طويل و ترادد الأكبر بالسن منها
و لما تعاتبون أمها تقول
(( ما أبي بنتي تصير مثلي مسكينه و على نياتها خليها توقف الناس عند حدها و تهابها
ما أبي أكتم حريتها و أفشلها قدام الناس و أكسر شوكتها مثل ما أمي كانت تسوي فيني بمجالس الحريم ))
ناس تصرف ألوف على الأكل و المطاعم لدرجة تضغط على نفسها و تبالغ بالشراء الزائد عن الحاجة
لما تنصحهم يقولون
(( ما أبي عيالي ينحرمون مثلي
كانوا أهلي ما يهتمون غير بالأكل الأساسي و أنا محروم من غيره أشوفه مع الناس و أتحسر))
يصرفون مبالغ غير معقولة على الملابس بكل وقت و بدون مناسبة أو حاجة
و لما تناقشهم يردون
(( ما أبي عيالي ينحرمون و يصيرون أقل من غيرهم
أنا ما أبي أبخل عليهم و أحسسهم بالنقص مثل ما كنت يوم أني صغير الملابس من مناسبة لمناسبة بس ))
و كثير من الأمثلة صدقوني لو تدورون تلقونها بحياتكم و حولكم و يمكن حتى داخلكم أنتم لو بكم قليل
تصرفات نشوفها و نلاحظها حتى لو ما صرحوا فيها
راح تلاحظونها بتصرفاتهم و طريقة تربية أبنائهم
(( طفولنتا تأثر بطريقة تربية أولادنا))
هي خلاصة الموضوع
أنا مؤمنه بهذه العباره و صحتها
بس هنا الخوف من المبالغة و التطرف
فيه ناس تحاول تعوض نقص كانت تعاني منه بطفولتها بأبناءها
و هذا شيء خطير إذا زاد عن حده
فيه من يصل لمرحلة العتب على الأهل و هذا من أنواع جحد الجميل
يلومونهم على أشياء إذا مو بالكلام المباشر راح يكون بتربية أولادهم بطريقة تختلف جذرياً عن طريقة تربية أهلهم
كثير أسمع عبارة
(( سبحان الله فلان أبد ماهو مثل أهله أطباعة غير))
ما فكرتم أنه ممكن السبب مو فيه الخطأ بتربية أهله
و أنهم ما يبون عيالهم يصيرون مثلهم
نسوا أنه (( بالرغم من كل عيوب تلك التربية الي هم يشوفونها خطأ ربت رجال و حريم لهم مكانه بالمجتمع ))
ساحة النقاش مفتوحة لكم
و منتظرة رأيكم و ملاحظاتكم
دام نبضكم بطاعة الرحمن يا الغوالي
اعجبني الموضوع نقلته لكم يشوف ارائكم
دعواتكم لي بالذريه الصالحه
شاركي في النقاش
سجلي الدخول لإضافة تعليق.
التعليقات
11- شوفي انا معاهم
لان كل ام تبي تشوف بنتها احسن منها وكل ام ماتبي بنتها تشوف الضيم الاشافته بس ابدا مو معهم
تعليمهم الاسلوب الشراني اسلوب القلة الادب يقو شخصيتهم نعم بس يقو شخصياتهم بقله ادب لا - انا عندي مبدأ
الرفاهية الزايدة تخرررررررررررررررررررررررررررررررب التربية وتنشئ جيل خنوع دلوع لا يتحمل المسؤولية لا هم له غير توفير الأشياء اللي تخليه مبسوط ومتنعم ورجل على رجل ولا تحقيق أهداف ولا أحد يعتمد عليه ولا شيء
طبعا لكل قاعدة شواذ
ولي عودة بحوووووووووووول الله - انا مهتمه بهالموضوع
لان زوجي عاش حياه قاسيه وفقر وتعب مره في حياته
فهو مدلع اولاده مره وربي عندي ولد تقل بنت صرت اتفشل منه وكل الناس يعايرونه وانا خايفه لاكبر وش بيصير
وزوجي متفهم وكلمته بالموضوع وغيرنا بطريقتنا معهم وصرنا مانشتري اي شي بس صاروا عصبيين ومايحترمونا
بالله وش نسوي
انا مشكلتي بعيالي هالولد الدلوع عندي اولاد قبله مو مثله اعتمد عليهم رغم صغرهم رغم انهم مايحترموني بس مو مايعين لكن هذا مايع مره ومو بس ابوه مدلعه حتى اهله
والبنت تضرب بخلق الله وتقرص الاطفال الصغار تكرههم وتشد شعور البنات وفيها حقد ماتسامح وتغلط حتى على الحريم الكبار
المشكله اني عند اهله وللاسف مو بس مشاركيني التربيه الا مستلمينها عني واغلب اوقاتهم عندهم تحت
مدري تعبت احس التربيه هي اصعب شي متعبببه جدا
متابعه يكن القى حلول - ماقالوا خير الامور اوسطها
الشخص لما اهله يكونوا قساه معه او بخلاء ويتاذى هومن تصرفهم لما يتزوج ويصير عنده عيال مايبقى الي شافه وهوصغير
يشوفونه عياله
الانسان مايحرم عياله من اكل او لبس او العاب بالقدر المعقول وهو مقتدر يجيب لهم بس مانعهم بسبب بخله او انه يشوف انه مافيها فائده وهدا يسبب عقده عند الاطفال
وحلو ان الاهل يربوا عيالهم على القناعه وانه مو كل شي يشفونه لازم نجيبه لهم بس نقنعهم باسلوب حلو - والله مشكله صح
والله يعينا ع تربيه الاطفال تربيه اسلاميه
اعرف ناس من شدة الجوع الي شافوة كانو يجيبو الاكل والمعلبات بكراتين وهذا كلللل عياله فيهم سمنننننه مفرطة والي مو سمين لما كبر صابه قالون هضمي غير عن قله المناعه الي عندهم الله المستعان
طرح متميز دمتي بود
مواضيع مشابهة
تابعي تجارب أخرى من هذا القسم.