شاركي في النقاش

سجلي الدخول لإضافة تعليق.

التعليقات

31
  1. @mlamh_tfolh_2

    لا ياعمري استهدي بالله وتعوذي من الشيطان والله الطلاق مو حل ما لك الا الدعاء في صلاة الوتر واكثري من الاستغفار ولاتيأسي... الله الهادي ماتدرين يمكن ماتغرب شمس اليوم الا واستجاب الله دعائك وخلي يكون عندك بعد نظر وش بيصير بعد الطلاق ... فكري بعقل ايضا واما بالنسبه للسوق مافي رجل سعودي يحب السوق الا نادرا جدا جدا ولا تنسي قوله تعالى (انا خلقنا الانسان في كبد)اصبري واحتسبي بس اذا تحسين في احد ممكن يأثر عليه وينصحه بعد يكون افضل... ادعوا الله العلي القدير ان يفرج همك وهمي ويكتب لك مافيه الخير...
  2. @mlk_rohy_16

    السلام عليكم

    قريت مشكلتك و بصراحه مدري من وين ابتدي ويمكن كلامي يكون مو مرتب

    انا بقول اللي عندي وانتي حاولي ترتبين كلامي وتفهمينه اذا مو مرتب

    المهم ياطويلة العمر اولاً استهدي بالله وتعوذي من الشيطان

    ثانيا اهم شي صحتك واعصابك الانهيار الي وصلتيه وانك تشقين ثيابك وتصارخين هذي تأثر على اعصابك و على نفسيتك فوق ماتتخيلين وحتى اذا شافك كذا وبذا الانهيار ترا بيتأثر وبيحس بغلطته بس يمكن مايقدر يواجه ويتناقش معك وهذ طبع معظم شبابنا مساكين عندهم مشاعر وحب بس ما عندهم اسلوب ولا مقدره انهم يوصلون مشاعرهم بطريقه صحيحه

    ثالثاً اذا فرضنا انك تطلقتي بيصير وضعك احسن ولا بيزيد الوضع سوء وبعدين عيالك مايبون الا ابوهم لو انه اسوء الناس وهم في بيتهم احرار ما احد يتمنن عليهم بعطيه ولا بطللعه ولا يشوف ويستكثر عليهم لعبهم ولا صوتهم ولا ازعاجهم

    رابعا وهم المهم حاولي تتناسين عيوبه اللي ذكرتيه وتذكري حسناته و تعايشي معها ونهائيا لا عاد تثيرين اي مشاكل لا طلعات ولا تمشيات ولا اي شي من الرفاهيات يعني لا عاد تفكرين فيه ولا كيف ترضينه ولا يرضيك اشغلي نفسك بطلب رضا الله

    خامسا وهو الاهم خلال ذا الفتره الجئي الي الله بجميع جوارحك حافظي على اذكار الصباح والمسا واذكار بعد الصلاه وتحصين نفسك واولادك وزوجك وبيتك
    يمكن في البدايه تكون ثقيله شوي بس اضغطي على نفسك لحد ما
    تتعودين عليها بتحسين براحه
    اكثري من الاستغفار والحوقله و قيام الليل واكثري من الدعاء واللحي فيه لان سهام الليل لاتخطي
    وتصدقي بنية صلاحه وان الله يرده لكم ردا جميلا ويسخره لكم

    انا ماابي اخوفك بس في بداية زواجنا كان وضعنا تقريبا نفس وضعكم حتى ردود فعلي كانت نفس ردودك وصارت تتطور اوضاعنا للاسوء مرورا بطلاق رجعي وانتهئاً بتجهيزه الان لزواجه الثاني مع ان معظم المشاكل هو سببها بس ردود افعالي كانت في غير محلها وبدال مايتصلح الوضع تردا


    رديت عليك لانك ذكرتيني بنفسي

    دعواتك لي
  3. @fdh_bnt_thhb

    يارب افرجي اهمك
    بس لا تفكري بالطلاق في حلول ثانيه
    خلي احد كبير يدخل في الموضوع

    والله يهديه
  4. @dymh_28

    اذا حصل الطلاق لاسمح الله راح ترتاحين لانج تقولين مليتي من هالعيشه

    مافكرتي بعيالج ؟ اكيد ماراح يرتاحون بالتفكك الاسري وانتي تعرفين اذا طاحوا الاطفال بيد زوجات ابوهم شو مصيرهم

    كلش ولا ترمين عيالج لزوجة اب

    عليج بالدعاء والاستغفار والله يسخره لج يارب

تابعي تجارب أخرى من هذا القسم.