ابي اقهره واخلعه

السلام عليكم

والله يابنات يحز بخاطري كثير اني افكر كيذا
كنت ادخل واساعدكم وانصحكم
وسبحان الله جاني الدور وطفح فيني الكيل

انا النار شابه بيني وبين زوجي من شهرين ولاسباب تافهه
والله تمنيته يكبر عقله بس عنيد واصر على موقفه الى ان كبرت المشكله

المهم الحين انا ابي اخلعه
بس قبل هالخطوه ابي معلومات اكيده
عن بعض الاشياء

الحين بخلعه والسبب هو ,, اخلاله بأحد شروط الزواج

هل اذا كان الحق معي في الخلع ارجع له المهر ؟
ام هو يرجع لي المهر ؟
بالرغم ان الغلط منه ,, لكن الطلب حق الخلع مني ؟

وهل هناك مده مثل الطلاق نقدر نرجع لبعض ؟

انا بس ابي اخوفه
لانه يشوفني اقول له بخلعك بخلعك وعلى باله امزح وتمادى معي كثير
ابيه يحس اني جاااااااااده
واني اتنازل عنه بس ما اتنازل عن شرطي


حسبي الله ونعم الوكيل

34 تعليق 3,949 مشاهدة

شاركي في النقاش

سجلي الدخول لإضافة تعليق.

التعليقات

33
  1. @ngd_ngd

    فيه محامي والله نسيت اسمه بس تلقين اسمه في قوقل أبحثي عنه وأساليه عن شروط الخلع
    الله يعينك ويصبرك
  2. @ordh_maa_alord

    الله يهديك اختي بتخلعينه وتبين عدة عشان ترجعين له عليك بالدعاء انا جرررربت والحمدلله الذي اصلح لي حالي
    الي اعرفه انك اذا انتي ماتبينه ترجعين له المهر كله حتى لووو كان هو الغلطان واسالي واستخيري والله يصلح الاحوال يارب وترى الخلع اخر الحلوووووول بعد ماتكوني ياستي من صلاحه مثلا اذا كان فاسد هذا الوضع الي يستحق الخلع الله يرفع عنك ياااااارب
  3. @reema_26

    الي اعرفه اذا احد شروطك مانفذها بعد الزواج تفدرين تطالبين بالطلاق ويطلق غصب عنه بدون شي
    اما الخلع ما ادري
  4. لأ الخلع تفتدين نفسك بقدر من المال ويمكن يكون مثل المهر
    اما لأنه اخل هذا تطلبين الطلاق والمحكمة تخليه يطلقك غصب لأنه ماحترم شرط وافق عليه من الاول

تابعي تجارب أخرى من هذا القسم.