هنا تجمع خريجات الاحياء ( حيوان - نبات -احياء دقيقه ) لمتابعه التطورات ..ان الله معنا

متابعة النقاش، صفحة 188

شاركي في النقاش

سجلي الدخول لإضافة تعليق.

التعليقات

1,447
  1. بنات تعالوا كلكم بحضنكم وبحضن كل احزانكم وهمومكم

    محسوبتكم خريجة احياء علم حيوان ومعدلي عالي وهذه السنه الرابعه جالسه فيها بالبيت والحمدالله على كل حال
    قلت لكم هالشي عشان كلامي يكون اقرب لكم يعني حالي من حالكم الوظيفه عندي حلم اتنفسه واستنشقه الوظيفه امنيه اتمناها الوظيفه كيان جلست 16 سنه وانا ابنيه عشان اوووووووصل الوظيفه كان شرفه كل ماضاقت علي الدراسه اقف على اطلالها وتهون كان توقعي اتخرج من هنا اتوظف من هنا لان كياني وقدراتي وطاقتي ونفسي راح اشوفها من خلال بثها في هالوظيفه اعشششق التدريس اعشق تخصصي لمرحلة الجنون موحلمي لابيت ولازوج ولا اطفال ولا شي غير وظيفه ورساله ااديها تعرفون ليه قلت لكم هالكلام عشان اوصل لكم صورة التعلق والعشق اللي يربطني بهالحلم

    وفوق ذا كله تصــــــــــــــــــــــــــــدقون فتحت قبل كم يوم ولقيت انه مادخلت في المفاضله طالعت فووووووق للي امري بيده ورفعت راسي وقلت يارب لك الحمد يارب اجرني في مصيبتي وعوضني خير يارب عوضني اخير ورضني باللي مقدره وكاتبه لي وقفلت الصفحه ونسيت السالفه ماتعدت الكيبورد والشاشه وسكت وقفلت بابه بثقه وحسن ظن بخالقي


    تعرفون ليه لان املي باالله كبير لان ثقتي بالله باذن الله ماتهزها لا وزارة ولاخدمة ولا قوانين ولا شي رزقي بيجيني لين عندي اهم شي اتخذ الوسائل والسبل وباذن الله مايضيع ربنا تعبنا وسهرنا وقومتنا

    بنات حبايب قلبي ودي اجمعكم كلكم واضمكم لصدري واقول لكم لاتياسوا ان الله مايضيع تعب اي انسان ان الله هو اللي مدبر امورنا واحوالنا ان الله هو اللي يسخر ويمنع ويعطي وياخذ
    بنات لاتزعلوا من خير ربي كتبه لنا والله خير رضينا والا مارضينا وربي خير واعظم الخير اختاره لنا ربنا
    ان ظلمنا فلنا اجر المظلوم ولنا اجر الصبر ولنا اجر القهر والالم والحرقه وان حرمنا مأجورين في كل حالاتنا احنا مأجورين
    يالغوالي ارفعوا يدينكم للسماء وخذوا نفس وقولوا يارب اني فوضت امري ووكلته اليك انت اللي بيدك كل شي


    بنات احبكم كلكم ومااحب اشوف احد متكدر على دنيا ماتسوى ولا تستاهل دنيانا مو دايمه ان توظفنا وربي اعطانا كم بنجلس سنه سنتين عشرين سنه بنتركها وبنروح وان حرمنا كم بننحرم سنه سنتين عشرين مو دايمين بنترك هالحرمان وبنرحل

    اهم شي الاخره مانضيعها ولا ننحرم منها بنات ترى مانعرف وش ورى الخير اللي من ورى هالحرمان وماندري كم من الاجور تتساقط على صحائفنا من صبرنا تحسبون الحرقه واللوعه والعبره بتروح سدى والله ماتضيع عند الله الحكم العدل اللي مايضيع مثقال ذرة واحنا محتاجين لهالاجور ربما فعلنا ذنب ولن يغفر ان بسبب صبرنا ورضانا وعبرتنا
    بقولكم قصة وحده تنتظر التعيييين عشر سنوووووووووووووات وهي تطارد وتسعى وشوفوا كيف جاها هالسنه في شوال التثبيت والتعيين باقي مااخذت راتبها على شهر واحد صار لها حادث في طريقها للدوام وماتتت وتركت كل شيء
    سبحان الله افكر فيها اقول يمكن كان تبي الوظيفه وتطارد وراها وماتدري كان تطارد ورى موتها وربي ياخرها عنها عشان كاتب لها تعيش هالعشر سنين ماكان تدري انه موتها بعد ماتتعين بشهور

    ماندري نطارد ورى هالتعيين وش راح يصير لنا مو ياس بس لازم نؤمن ان اختيارات المولى لنا كلها خير ولازم نربي الرضى بماقسمه لنا المولى

تابعي تجارب أخرى من هذا القسم.