مااااا احد يعرف زوجك زيك
ومستحيل نحكم عليه من موقف زي كدا
يعني هوا قبل كدا كان كريم معاكي؟؟؟!!
عمره قصر او حسيتيه طماع في شئ طلبتيه؟؟؟
كم سنة لكي متزوجة؟؟!!
اذا هوا كريم معاكي وما يقصر
يستااااهل مو حافز وبس عيونك لو تقدري تديه هيا
يمكن هوا شايف انكم واحد وجات مساعدة منك ومو متوقع انك رح ترفضي
انا بالنسبة ليا لما نزل حافز اشتريت غسالة مواعين
ودحين انا نفاس وعند اهلي من ٣ اسابيع انا اللي اصرف على نفسي
لاني عارفته راتبه بسيط جدا والان مافي حسابه غير ٦٠٠ ريال
وعمره عمره ما قصر عليا ولا على بنتي
لذلك انا اشوف انو يستاااهل ونص
مع اني كنت في البداية لما يجبلي سيرة حافز اتنرفز واعتبره استغلال
لاني اتاثرت بالآراء السلبية في المنتدى
ولما فكرت فيها راجعت نفسي
وغيرت رأيي
انتي راجعي نفسك وعيدي حساباتك
تغير علي والسبب حافز
متابعة النقاش، صفحة 11