المتعيناااااات في المدينه المنورة حياااكم نفيد ونستفيد

حبيبتي ادخلي تكامل تحت الخانه حق الموعد فيه خانات جديده للكشف ومسوغات التعيين والرغبات
بالتوفيق يارب

رفع

السلام عليكم بنات ..كيفكم ؟؟؟؟
طبعا انا طبعت كل الاوراق الي في تكامل بس في مكان المقابلة ملتزمين بتنظيم معين وما يحولوك لخطوة الا وانت موقعة على ورقة عشان تنتقلي للخطوة الي بعدها ..

أناموعد مقابلتي كان الساعة السادسة مساء وقبل خمسة وانا عندهم دخلت اول غرفة تنظيم المقابلات وقعوني عند اسمي واعطوني ورقة ورقم ووجهوني للجنة المطابقة ..ولما جا دوري طبعا طلبت كل الاصول وطابقتها بالصور المطلوبةمن كل شي ورتبتها في كل ملف لحال ووسجلت على الورقة الي سلموني هي في الاول انه تمت المطابقة ووقعتني عند اسمي ..بعدها حولتني للدور الثاني عند لجنة المقابلات برضو وقعت عند اسمي ووجهتني للجنة مقابلة الانجلش ..المقابلات كانوا حبوبين وطلبوا مني اتكلم عن نفسي واتكلمت باسهاب بالانجلش ..عن تخرجي ووضعي الاجتماعي واطفالي وسالتني اذا لي خبرات في التدريس قلت لا فقط التدريب وقالت لغتك جدا رائعة رغم انقطاعك عن ممارسة مهنة التدريس ..قلتلها احب الانجلش وأمارسها دايما واطلع على المناهج المطورة للمراحل المختلفة..ابدت اعجابها وسالت الاستاذة الاخرى اذا عندها سؤال توجهه ..قامت سألتني بالعربي عندك فكرة عن وسائل التدريس الحديثة قلتلها البروجكتور والبور بوينت قالت حاولي فقط تطوري من مهاراتك في الحاسب قلتلها انا باطور من نفسي وتعاملي مع الحاسب يوميا اتصفح واطلع عن طريقه على كل الاحداث..وبس

وقعولي على ورقتي وحولوني للادارة ختمولي عليها وسلموني ورقة الكشف الطبي مختومة من عندهم ..يعني ما ينفع تعملي كشف اذا ماهي مختومة ..لانه وحدة جلست تسال تقول قريبتي في العلا تبغى تاخذ ورقة كشف مختومة واخدها عالعلا تعمل الكشف هناك بعدها تجي عالمقابلة وتكمل امور المطابقة وباقي الاجراءات قامت المديرة قالت ماينفع وجلست تترجاها قامت وافقت بعد محاولات وبعد ما طلبت منها توقع على ورقة وتعهد انها استلمت ورقة الكشف المختومة ..وبعدها ماعرفت ايش صار معاها..لكن واضح انهم ماشيين على تنظيم معين صعب انهم يخالفوه او يغيروه..طبعا بكرة ان شاء الله اروح اعمل الكشف وارجعلهم اسلمه لهم وارتب القطاعات واكمل مسوغات التعيين والله يتمم باقي الامور على خير ..

حبيت افيدكم بالي صار معاي بالتفصيل والله ييسر للجميع ..الاوراق الي طبعتها من الموقع مانفعتني بشي ولا بتهمهم في شي كل خطوة لازم بتوقيع منك ومن كل موظفة مريتي عليها

وحتى لما فكرت الصبح اخاطر واروح بنك الدم واجرب حظي ..كثيرين ما نصحوني قالوا مو خسرانة تنتظري للمسا وتاخذي الكشف من عندهم احسن طالما انت من نفس المنطقة ..وان شاء الله بكرة اروح اعمل الكشف

طبعا ورقة القرى ومسوغات التعيين الي نزلتها رافعتها عندي ..يمكن احتاجها بعد الكشف لما اكمل باقي الاجراءات ..نستنى ونشوف

الله يسعدك ويجزاك عني بالجنة وسرور يدخل الى قلبك
طبعا افدتيني ونص :2thmup:



لا يا قمر السنوات القديمة سجلاتهم مكتوبة يدويا
واستخراجها صعب جدا جدا



والله يا قلبي حسب ما قالت أ.خديجة الاحمدي ان الوزارة اعفتنا بفضل الله من السجل الاكاديمي
وعلى هذا الاساس ما اخذته من الكلية
لاني سافرت للرياض لاستخراجة ورجعت بخفي حنين :11retcher


الله يسهل عليك كل عسير ويسخر لك خلقه
وتطلعين تبشرينا على خير
الله يوفقك


متى مقابلتك يا عثل ..؟؟



مبروك الف مبروك الله يوفقك ويجزاك خير
نقلت مشاركتك اسأل الله ان لا يحرمك الاجر
ويجعلها في ميزان حسناتك



حبوبة مثل ما قلت لكم على اساس كلام الاستاذة خديجة ان السجل غير مطلوب
ولله الحمد والمنة



نفس يوم مقابلتي ربي يسهلها على الجميع:2thmup: